香港時間昨晚（6 月 28 日）世界盃 G 組日本對波蘭的賽事，出現一個奇怪戰況，就是日本在落後 1 球的情況下，竟然沒有奮起追和的心態，反而選擇拖延時間地「互傳到完場」，保持被波蘭取勝的戰果。最後因為同組的塞內加爾被哥倫比亞小勝 1 球，在計算公平競賽規則，日本受惠於黃牌數量比塞內加爾少的情況，因此能夠力壓塞內加爾以次名出線，在下場世界盃 16 強賽事，對 F 組首名出線的比利時。其實賽事期間，不少球迷都不明白日本何以出此下策，而賽後更有中國傳媒報道直斥日本醜陋、令人尷尬！之不過，香港網民就持有另一番意見。
【精選消息】
【精選消息】
內媒斥醜陋
有內地傳媒報道提到，日本選擇拖延時間地「互傳到完場」的踢法，是非常冒險，因為日本本身在這場如果對波蘭的賽事中收起主力，另一個原因是，如塞內加爾和哥倫比亞的比賽中，兩隊再各進 1 球，那麼日本因為總入球較少而出局，因此有感日本隊教練西野朗這場的戰術，是將國家隊命運交到塞內加爾、哥倫比亞手上，讓人失望、尷尬，醜陋且欠缺體育精神。
日本、波蘭各取所需
雖然在賽事期間，有香港網民發現日本選擇「互傳到完場」，也覺得日本在未篤定出線的情況下就放軟手腳，策略實屬不智。不過有其他網民留言持不同意見，並可謂說出了全文的重點：「波蘭唔逼搶日本唔攻又真係有道理」、「兩隊都係弱隊進攻 risk 大過入波機會，梗係唔攻等完場」，只因篤定出局的波蘭，在最後一戰贏足 3 分，可以衣錦還鄉，而日本又可以次名出線躋身 16 強，皆大歡喜何樂而不為，「默契波各取所需屆屆都有，咁都執行正義都幾唔得閒」。
日本明顯打策略戰
此外，有網民認為日本此舉明顯就是策略戰，並反稱：「人地無犯規無打人無玩黑哨，去到尾段無乜體力輸緊一球嘅時候都係搏一鋪，唔明有乜問題？」、「逃跑雖可恥但有用」、「不嬲分組賽、聯賽呢啲波都係食腦多過講實力」。
精選網民留言：
撐「互傳到完場」
- 波蘭唔逼搶日本唔攻又真係有道理
- 隊都係弱隊進攻 risk 大過入波機會，梗係唔攻等完場
- 人地無犯規無打人無玩黑哨，去到尾段無乜體力輸緊一球嘅時候都係搏一鋪，唔明有乜問題？
- 逃跑雖可恥但有用
- 不嬲分組賽、聯賽呢啲波都係食腦多過講實力
不應「互傳到完場」
- 因為你冇係輸緊嘅情況盡力爭勝，你有你嘅策略，但我一樣會睇唔起你地咁踢，咁唔叫聰明，叫核突
- 作為睇波嗰個，喺到等你 10 分鐘，真係睇到燥
- 我又唔信你地一路睇佢互搓，一路讚佢地好波啫......
- 兩邊唔攻既足球同魚樂無窮有咩分別
- 足球兩邊對攻，一攻一守，就算兩邊死守都冇問題，前題係要有心搶波。尋日兩邊個目標只係等完場，個猜法同將個波放返中圈，之後兩面 BBQ 冇分別
