不滿 old seafood 經理要求同事幫忙更換影印紙，網民反被圍插教訓？網民 samuelkeroro 日前在香港討論區發帖，題為「職場上有遇過階級觀念重既老屎忽嗎？」。他表示曾在食飯或工作期間，被經理要求幫忙補充影印機的紙張。樓主對此非常不悅，強調經理唔是殘廢，為何換紙都要指指點點要人幫忙，直指 old seafood 經理是無料扮四條又階級觀念重的老屎忽。
樓主在帖子表示：「大家係職場上有遇過無料扮四條又階級觀念重既老屎忽嗎？試過我遇過位經理，明明我食緊飯或做緊其他野，佢一句無紙，話 d 野趕住印，就要我幫佢換紙，其實位經理又唔係殘廢，點解換紙都要點人做？」
【精選消息】
帖子吸引不少網民留言討論。可是，網民普遍不認同樓主的立場。疑似任職高層的網民丙回應：「咁樣又點算冇料扮四條？」
「唔識用電腦冇咩問題」
懷疑一句撻著樓主，樓主嘗試底線抽擊：「佢廢到連電腦都唔識用 又係要我做」。
網民丙絕非善類：「咁你講埋吖，淨叫你換紙點算冇料扮四條。電腦唔識用響大機構高層冇咩問題，大把秘書或其他人幫佢做。大機構嘅高階主管係講管理同生意上往來及交際手腕同關係。電腦早二十幾年前如果識用就巴閉，到今日，只係一般文職入職要求。好老實，大部份人話識電腦，咪來來去上下網、用下 office。」
做嘢先定換紙先？
樓主分析：「問題係點解我做緊其他野，佢要我換紙先 ，佢又趕住影印，佢自己唔可以換？階級觀念到咁」。
網民丙不饒人：「啱吖，你只可以講佢階級觀重，但就咁講，唔可以講冇料扮四條。」
樓主反客為主：「咁你遇過呢種人嗎？」
【精選消息】
換紙應該細嘅做
網民丙嚟料：「或者你真係唔知，或者去打下啲真係大嘅公司工先啦。真人真事：我亦曾經響度換紙，畀我老細見到(佢都唔係老闆，大老闆係公司主席)，佢冇即時出聲，有日食飯同我講，最好唔好自己換紙，搞影印機、Fax 機呢啲嘢，呢啲嘢畀啲細嘅做，唔係老闆落到嚟，佢會心諗：嘩，乜畀咁嘅人工你，番嚟換影印紙呀？又或者咁諗，佢都好似冇咩做咁。絕對唔係一件好事。(當時我心諗，大老闆有咩可能落嚟？番嚟都係上咗十二樓嘅啦，我地工作又唔同層，一星期先見大老闆一次，因為要開會。) 你諗下佢處境，就知咩事，個波係圓嘅，並唔係只睇自己嗰一邊。」
樓主追問：「咁你之後又點口靚換紙嗎」？
網民丙：「其實呢啲嘢大把人做，的確唔使我做喎，使乜點呢？不過有時見到就去換下，老細咁講，當然可免則免。雖然佢未必啱晒。」
樓主就是不滿。他指：「問題係我食緊野 係咪急到要即換呢？」
【精選消息】
網民丙直線抽擊：「你出嚟做多幾日嘢先啦，職場上嘅嘢你知幾多？識做人嘅，唔係話擦鞋，食緊嘢見老細嚟都第一時間去做啦，換紙雖然一般公司冇指明邊個去做，但一定唔會係叫經理做，九成九係靚做。你響辦公室或辦公時間食嘢你覺得又好啱嗎？除咗唔係辦公時間，你可以拒絕。祝你平步青雲。bye.....」
不要在工作崗位吃東西
樓主怒了：「Lunch time ok？」他理直氣壯：「Lunch time 去廁所都要比人剝削，有權去勞工處告間公司掛。」
網民丙又分享親身經歷：「你就唧牙膏式講出嚟，初時又話冇料扮四條，後又講講下又話 lunch time。所以咪話你有排學囉，響公司食嘢，我一直都教啲人唔好，係lunch，一係落canteen，一係去茶水房。又講個故事你聽。我以前部門係輪住食飯，有啲人食十二點，有啲人食十二點半，有啲人食一點，office 一定會有人，佢地好多時食完飯就番上 office 捉棋、聽音樂，我知道當然冇問題，但其他部門啲人唔知，攞嘢入嚟時見到有人捉棋，佢地攞嘢嚟都希望即時有人同佢跟，但個個忙緊，見到咁嘅情形又會點？結果咪投訴囉，投訴嚟我度，話有啲人唔做嘢，捉棋、聽歌(但查實佢地係 off 緊)，咁又點？畀人印象唔好囉，亦容易發生誤會，所以我叫人，捉棋落 canteen，其實落 canteen 坐好過響 office 坐啦。」
其他網民留言
- 你話: 死開啦！我都好趕喎，我要一個鐘頭內食完飯，唔得閒幫你！
- 下，度度都係咁啦。
- 你新泥
- 咁咪同老闆講食完飯先做囉！
Source：香港討論區