網民古古日前在 Facebook 個人專頁發帖，表示在街上拾到「師匠抱枕」，強調已經消毒，暫代保管。古古在專頁呼籲失主認領。有網民笑指「女朋友跌咗落街」、「小心抱枕上啲精華」，非常頂癮。如果你就是物主，或認識物主，請即聯絡古古認領，謝謝。
古古在帖子附上兩張圖片（如下），表示：「求擴散，如果找到失主請同我講。」
兩張圖片分別是：「Tai Po 大埔」面書群組截圖，在截圖上看到有網民也發帖並附圖表示「師匠抱枕」跌落街，呼籲失主認領；另一張圖片則是古古已把「師匠抱枕」放入大白膠袋內，代為保管。
【精選消息】
已消毒暫代保管
古古續稱：「我仲未入到大埔 Group，所以直接係自己 wall 開 po。事緣有人跌左個師匠抱枕落街，甘岩出事位係我附近，我去左睇下，發現師匠仲係到，而附近已經有姐姐執緊垃圾，我驚會被姐姐執左去扔，所以我就帶走左佢，好彩只係污糟左小小，我就順便做埋簡單嘅消毒，至於袋我就無大袋，唯有入住膠袋，再塞入書包。」
冇人認領就要扔
古古小心翼翼：「我唔想比屋企人誤會，都擺唔到好耐，三日後冇人認領我就只能扔左去，希望失主你見到呢個 post 就盡快黎拎返你老婆走啦！」
【精選消息】
全城搜刮抱枕失主
如此頂癮的帖子，吸引網民注意是常識。截稿前，帖子已贏得 251 個 emoji 心情、87 個回應、214 則分享。網民都很關心失主唔見咗個「女朋友」抱枕、呼籲失主盡快蒲頭認領、又幫忙廣傳「師匠抱枕」跌落街唯恐天下不知、地毯式搜刮失主、也有網民溫提好心樓主古古要小心抱枕上的精華，總之超級頂癮，體現人間有愛。只是如果小記是物主，恐怕只會「紅到面晒」，不敢認領。
【精選消息】
網民留言，節錄如下：
- 幫你 share 入大埔 grp 好唔好 古古：「好啊！求之不得，thxx」
- 慘絕人寰!!
- 竟然將紫色老太婆丢係街度，知唔知咩係家有一老如有一寶
- 樓主小心抱枕上面 D 精華:) 古古：「我都驚，所以消定毒先」
- 記住唔好用紫外光燈照
- 原 po 勁好人， 俾我我會驚有病毒 古古：「其實我都肴，所以都抹左消毒酒精先，到依家都仲係袋入面」
- 樓主好心地 希望師匠唔係比人拋棄啦
- 楼主一生平安。古古：「多謝」
- 老婆都掉冇人性 古古：「我覺得似意外多地，可能矖矖下被風吹」
- 覺得係跌左落街唔敢落街執 古古：「我都覺得係，因為跌左差不多半日都人黎拎」
- 重點係...本身應該有霉箘, 加上地下個落點, 睇落都唔乾淨,床上用已經唔理想 初步淨洗都無用, 一定要曬太陽... 用黑膠袋包住曬
- 有冇幫師匠補魔？古古：「我不好別人的妻子」
- 逢 1，4，7，10 月都要換一次 我懂的
- 推 這個事後處理很 nice
- 可能用完即棄
- 又到咗宅宅換老婆嘅季節
- 如果立痴痴咁就唔好亂掂啦
- 即係萬一無失主你都可以多一個枕頭用 或者交去警署啦，三個月保質期
- 樓主好人。下次有机会單抽五星。古古：「多谢你，我已经很久没中五星了」
Souce：facebook@古古