打開牆身插座，驚見檐蛇（四腳蛇），有啲咩要注意？網民 Bi So 日前在「裝修佬」面書群組發帖，表示在工作期間，打開樓梯牆身的插座，驚見四腳蛇突速走出來；插座內還有一堆檐蛇蛋。被嚇壞的樓主竟然還有心情顧及四腳蛇的感受，「望住佢，望住蛋。望住佢，又望住蛋」。樓主終不忍拆散四腳蛇與檐蛇蛋，遂在封蓋時留少少空隙，好讓四腳蛇與檐蛇蛋重聚。樓主的行為引來網民勁讚「好人有好報」、「善哉」、「功德無量」、又指四腳蛇是益蟲；不過也有網民表示「巧驚驚」。
樓主被檐蛇嚇到 hihi
Bi So 在帖子表示：「做樓梯公眾蘇時。拆開成條鹽蛇突走出來。。嚇到我竟然 6 梯位置跳落地。幸好無咩事。」
望住佢，望住蛋
樓主與檐蛇對峙：「見鹽蛇一直都沒走開係隔離睇住，應該擔心自己寶貝 。。一心換個陣蛋太脆整爆幾隻蛋。最後，望住佢。望住蛋。望住佢。又望住蛋」
留隙留活口
樓主敵不過惻隱之心：「算啦，唔換。封返蓋留少少隙比佢入返去。。。。。住客門我都為你地好。家有鹽蛇等於家有一寶。我屋企都有一大一細經常半夜周圍走。。」不過他坦言；「如果係小強蛋。。我一定嚇到人都癲。。」
【精選消息】
【精選消息】
樓主「放生」四腳蛇事件，吸引不少網民紛紛讚好，截稿前已贏得 348 個 emoji 心情。網民留言勁讚：「多謝樓主」、「恭喜」、「好人有好報」。
【精選消息】
其他網民留言，節錄如下：
- 鹽蛇食蜘蛛
- 我尋日都放生咗一條嚴蛇 BB, 佢無厘頭走咗入我工地, 於是我捉走佢，放返佢出去外邊嘅大撻地
- 新的生命
- 條鹽蛇遲早差錯腳 落咗地到時又搵你換制 之前又遇個呢個情況一打開冚家產死哂
- 我驚佢突然斷手斷腳 入左耳仔 見到佢係身邊驚驚地
- 四腳蛇好嘢嚟 專色害蟲仲屋企有財神到
- 我屋企都有，你眼望我眼，你一郁他就好快跑走咗
- 第一次見鹽蛇蛋
- 鹽蛇一家會化身為美女報答師兄你
- 清蒸 或 太陽蛋 ？
- 巧遇鹽蛇陣，師傅見到都腳震。
- 試過一次比條蛇走左入部分體機，燒左塊板
- 朱羅紀陣
Source：facebook@裝修佬