網絡不時爆出某些機構或公司，要求藝術家、音樂人等作無酬演出，最近又有人分享了一單。話說某商場，以 Whatsapp 要求樂手免費試一場，如果反應好再合作。疑是樂手經理人反問：「而家試鐘啊？返工試用期都有糧出。」直接拒絕對方要求。
早前，facebook 專頁樂活道，分享了一名讀者投稿。從 Whatsapp 截圖可見，某大商場要求表演者免費「試玩」一晚，據稱一共兩節，每節 45 分鐘表演，如果反應好，再決定未來是否合作。疑是樂手經理人反問：「而家試鐘啊？返工試用期都有糧出。要唱一場再作決定，實在難以接受。」
【生活情報】
【網絡熱話】
其他音樂人看到這情況，亦紛紛表示自己也有類似經歷：「有個都搞笑，話叫我幫佢哋寵物嘉年華唱歌，話冇錢但送番個寵物店會藉比我，以後買嘢會有折！痴孖根，唔止冇錢比你表演，係你嚟表演完，仲要賺你錢！」、「以前都被人問過，咁佢好 d 嘅話會出 show fee，都有$100 1 set 架」，另外亦有人表示，造成這個情況，原因是：「其實係惡性循環，好似有好多新進樂手收（賤）價都去接一啲 show，所謂當攞經驗冇所謂心態，導致 D 老闆久而久之越比越賤，甚至乎貼錢去做，而加已經去到試鐘，真悲哀。」
至於其他網民，大部份都認為商場「搵笨」，反諷：「結婚搵樂隊試玩，如果ok，下次結婚就用佢哋」、「商場都應該試下出糧先，唔係我點知你會唔會拖糧呀，真係有糧出先考慮下有冇合作機會啦」、「你唱得好，我喺 fb post 出，免費幫你宣傳添呀」等。
Source：樂活道