眼見年紀老邁的婆婆要在街邊擺檔，同情惻隱之心便會顯現。不過，有網民對此就不表同情，在網上表示「阿婆你一把年紀出嚟賣嘢，我想問你『後生』同『中年』嘅時候做緊咩？」
又指「你無規劃退休生活，係你問題，政府有綜緩同生果金幫你，好多地方都無香港咁好福利，你依家做無牌小販比人拉，是否你毫無責任？是否全是政府或他人嘅錯？」意指當年婆婆無好好儲錢，做好日後的退休規劃，以致要走上街頭做無牌小販，加上政府又有綜緩同生果金，所以即使畀人拉，也是合情合理，結果引來一連串的熱烈回應，當中大部分網民更不值事主的言論。
【精選消息】
【精選消息】
大部分網民均不值事主沒有同理心，留言「每人都有背後故事」、「婆婆出來自力更生，是值得尊重」，更有網民表示，生果金並非很多，根本不足夠成為生活費。也有網民表示「做過義工，有啲呀婆年青時候比個衰佬離婚，又比個衰仔呃成副身家幫買樓比個新婚呀仔個老婆住，自己便被扔出街，瞓街。」不清楚他人的背景就指無退休規劃，實在不太好。
另外，有部分網民就直指政府沒有好好為大眾規劃退休保障，而且在這個時勢，除非是「含住金鎖匙」出世，否則根本沒有能力做好退休保障。部分網民留言「搞過強積金出來，好似幫你計劃退休，點知唔保本，仲要有手續費。」、「大家又睇下入息中位數收入嘅人，係呢個生活水平下點儲錢呢？」
部分網民留言
「佢一定以為生果金好多錢。」
「以前年代有飯吃已經好好，仲規劃，香港生果金你以為好多啊！」
「很難一概而論，所謂『家家有本難諗的經』，可能阿婆要幫仔女又或是阿婆多老人病，政府幫唔到……等。」
「如果俾親生仔踢出門 / 唔理 你又會唔會開呢個 PO 無人清楚每個人既背景，何必用肉眼定錯對。」
「雖然佢咁講係冇乜人情味，但係我地政府英明領導底下，我地冇辦法唔竭盡所能地為自己將來打算。除非你含住金鎖匙出世，否則的話呀婆真係可能係你地以後嘅寫照，呢點係好現實。」
「退休規劃呢個詞語都係近 10 年開始有，呀婆個年代唔識無規劃一啲都唔奇。就算而家，按上次有個機構調查，都只係有37%香港人做好退休規劃。」
「老老實實至少婆婆都係靠自己多賺點生活費，值得尊重。」
「香港有咩福利？香港人成日比政府誤導，對老人家保障好，搞過強積金出來，好似幫你計劃退休，點知唔保本，仲要有手續費，個個覺得 D 人瞓街就係浪費，唔儲錢」
「大家又睇下入息中位數收入嘅人，係呢個生活水平下點儲錢呢？」
「賣地收入又唔均分，房屋又係商品，低收入人士好似有罪咁」
Source：巴打絲打 Facebook Club