今晨完結的 2018 世界盃 4 強淘汰賽克羅地亞 vs 英格蘭，克羅地亞在 90 分鐘與英格蘭踼成 1：1， 最終在加時賽下以 2：1 反勝英格蘭，將英格蘭踢出局，克羅地亞歷史性地首次殺入世界盃決賽，將在香港時間 7 月 15 日 11：00pm 與法國爭取冠軍寶座，而英格蘭的捧盃夢亦再度落空。
香港有不少英格蘭 fans，今次英格蘭出局，自然有大量網民都帶著衰傷心情，亦同時成為網民熱烈討論的話題，有部分球迷就撐領隊修夫基，帶著這班平均年齡只有 26 歲的球隊，可謂是超額完成；但亦有人揚言今年走線咁靚都入唔到決賽，往後都難有機會入決賽了。
【精選消息】
【精選消息】
有非英格蘭球迷就理性分析指出，英格蘭這隊波根本大賽經驗未夠、鬥心亦唔及對手強，但修夫基亦帶領他們入到 4 強。雖然大部分球迷謂英格蘭只得死球戰術，但都要實行得到，加上打破心理障礙贏到 12 碼，今年英格蘭真係超額完或成，無得好怨。
有網民亦和議，謂其實由 16 強開始一到入到 4 強，已經是場場爆冷，只是香港球迷往往睇高英格蘭一線。也有網民謂「揸住咁嘅牌入到四強仲想點？依家仲有得爭季軍，對比返以前星級教頭、星級陣容，修夫基絕對值得尊重同得到讚賞。」
之不過，也有網民不太認同，謂入到 4 強只是好彩，皆因走線後的對手哥倫比亞、瑞典也並強隊，今次一遇強隊就現形，無謂太過吹棒英格蘭。也有網民認為修夫基的調動未夠靈活，愈換愈衰，帶動不了整隊波，完全是見底，入到 4 強完全是靠運。未知作為球迷的你，又有何睇法呢？
Source：lihkg