是咁的，網民 leo881901 日前在香港討論區發帖，題為「工人幫小朋友擔遮」。隨帖子附有圖片（如下），圖片似在雨天的街道上悄悄地拍攝，街道上有兩個人的背影；目測一名疑似傭人，兩隻手張開撐起兩把雨傘；一把遮住自己，另一把遮住一個疑似穿著校服的小朋友；從背面看，小朋友疑似在打手機。
樓主在帖子表示：「個僆仔喺度掛住打機，工人要擔住兩把遮。如果你係家長見到噉樣，你會稱讚個菲傭做得好，定係吊究個小朋友冇自己攞遮呢？」
人生交叉點，你會點揀？
【精選消息】
截稿前，帖子贏得 15,464 個點擊率，203 個回應。網民觀點，五花八門；有的茅頭直指家長：「可能是家長要求的，這年頭怪獸家長多的是。」、有網民激讚傭人：「呢個飛人真係做足一百分」、有的狠批學生哥：「呢位學生哥咁樣真係唔掂」。
網民：「30 年已經見過」
網民甲見慣不怪：「其實呢類情況幾廿年前已經係咁，只係當年大人睇報紙細路睇兒童周刊變了今日齊齊睇手機啫！但大家目的都係一樣打發時間。」網民乙質疑：「幾年前有冇咁癲呢 師兄你講真定講假啊？」網民丙霸氣暴露自己年齡：「30年前已經見過。。。。。。冇咩特別。。。」
莫非真係「少年，你太年輕了」？其實年長的小記，不否認幾廿年前都好似真係見過類似情形，工人幫小朋友擔遮……
【精選消息】
工人擔遮係本份？
其它網民留言，節錄如下：
- 我見過有家長帶工人同七八歲呀仔去飲茶，呀仔一路打機，工人一路前食物同餵食，父母各自睇手機，一切好自然好習慣咁，繼續各顧各！
- 真係辛苦過工人
- 下次話真係通街都怪獸家長
- 我就覺得小朋友要養成負責任嘅習慣
- 小朋友似係度打機
- 你講得啱啊 佢就係打機 工人幫佢擔遮
- 工人梗係幫佢擔遮，唔是做咩工人啊？
- 依家好多家長都當自己仔女係小皇帝小皇后, 乜都要畀到佢哋最好, 但係唔知咁會扼殺佢哋嘅自理能力同生存意志。
【精選消息】
Source：香港討論區