打工仔，你是咪天天上班一個人食 Lunch？這是辦公室的熱門討論題目。有的同事一定要成群結隊巧威威，食飯都要「疊馬」壯膽，一個人食會死；有的害怕離群被排擠欺凌，硬著頭皮去開 p；有的受到「埋堆文化」的壓力；有的擔心獨個兒在餐廳碰上腦細被迫撐枱腳「背脊骨落」。
究竟一個人食 Lunch 是咪罪孽？網民 Bmw118i 日前在香港討論區發帖，題為「有無人返工日日都自己一個食？」。樓主覺得一個人食 Lunch 好很奇怪，不屑：「咁樣好孤獨，我公司有一個這樣的怪人！」
【精選消息】
「你要主動約佢」
「一個人食 Lunch」與打工仔生活息息相關，吸引網民踴躍討論是常識。不過，網民的主流意見，似乎都在撐一個人食 Lunch，不覺得「食自己」有咩問題。有網民怪罪樓主：「你要主動 D 約佢食飯」；有網民質疑樓主：「你好關心佢喎，有 D 野」；有網民不屑樓主：「有咩問題？唔洗同樓主食係幸運」、「對住佢（樓主）一定食吾落」、「怪得過你條男妖？！」
不少網民力撐自己一個更開心：「有乜問題, 食飯仲要應酬, 攰死」、「我, 自己帶飯, 10 多年黎都係咁, 好舒服。」、「自己食飯最安心,唔洗被人煩」。
【精選消息】
視乎「飯腳」
有網民視乎「飯腳」是誰：「飯腳 ok 就話，唔 ok，日日對住，又無野講，不如自己食，公司多 pk，同佢地食飯，我寧願一個人食」、「講得啱，得一個鐘抖咋！
唔啱傾唔想夾硬一齊」、「都日日見足 8 個鍾仲要一齊食 lunch... 比我可以自己一個食都自己一個食」、「一個人食飯有時仲輕鬆」、「食完仲可眠一眠」。
短裙仔啪啪啪
網民甲意在言外：「著短裙擺下舖士，至少老細日日陪食…………腸仔飯」；網民乙似乎 get 到：「你答得好抵死」；網民丙嚇到標冷汗：「互餵腸仔飯」。
【精選消息】
其它網民留言，節錄如下：
- 係未講緊我？
- 小學雞才要一齊食
- 我慣了獨來獨往食飯
- 擁有私人空間
- 勉強冇幸福
- 口味唔同, 我都鍾意一個食, 間中先同同事食, 自由自在
- 我日日都自己食, 食完去 SHOPPING/BANK, 做 FACIAL 都得
- 我都係，佢哋食嘅太肥膩。。唔啱我，我自己帶飯
- 我通常都一個人食午飯，中午時一個人易搵位，鐘意食咩就食咩唔駛浪費時間商量，但係遇到去同一間食店都會一齊嘅！
- 我剛出來工作時，lunch 餐餐都同一班人吃，少則三個多則六人。 後來漸漸發覺好浪費時間，等嚟等去。後來轉工之後就自己帶便當或自己叫外賣，吃完 sleep or 做嘢。 當然大時大節就會跟大隊。
Source：香港討論區