近年不少人手機不離手，甚至許多打工仔只有上班才會用電腦，其他時間都用手機處理各項事務。近日有一篇網上文章提到，日本人現時使用智能手機普及到一個點，令熟悉電腦操作不再是理所當然的事。有日本青年因為已經慣用手機鍵盤，所以對於傳統鍵盤的用法就不太熟悉，甚至有需要用電腦工作的準工程師，連兩下滑鼠左鍵、使用試算表等基本電腦技能不懂！
【精選消息】
【精選消息】
據這篇文章提到，東京大學資訊社會心理學研究所橋元良明教授，跟日本總務省所做的合作調查可見，在 2012 年到 2016 年間，10 至 19 歲的年輕人使用智能手機比率已超過 80%，但反而相同年齡層使用個人電腦的百分比，卻由 76% 下降至 56%，數據意味日本年青人使用智機手機的比例，遠比電腦為多之外，也開始見到「新型數碼落差」的社會現象，過去數碼落差是指不熟悉科技產品的老人家，會與科技普及化的社會脫節，但現在連當地年青人，都會備受數碼落差所累，影響生活。
對於日本年青人出現「新型數碼落差」的現象，有網民就認為見怪不怪，「事實，宜家好多人唔用電腦，用手機當電腦用成日，我有個親戚屋企有部電腦，無用幾年，佢話自從換咗部手機之後就無用過電腦」。此外有網民慨嘆「明明以前個人電腦係日本好普及」，相反近十多年「在日本地鐵車廂看到年輕男女不斷按手提電話，都知道手提電話會是大勢所趨的日常工具」，所以對於日本「新型數碼落差」現象，都覺得是大勢所趨，更有人聽聞「日本好多後生仔屋企無電腦，佢哋越黎越少接觸電腦」。
雖說手機跟電腦是兩種產品，中間理應不存在衝突，但也有網民有感：「當手機滿足到佢地日常需要，上網傾計購物同玩傻的嗎 GAME，自然唔會用電腦」。
精選網民留言：
- 用語音輸入快過打啦
- 事實，宜家好多人唔用電腦，用手機當電腦用成日，我有個親戚屋企有部電腦，無用幾年，佢話自從換咗部手機之後就無用過電腦
- 聽講日本好多後生仔屋企無電腦，佢哋越黎越少接觸電腦
- 當手機滿足到佢地日常需要，上網傾計購物同玩傻的嗎 GAME，自然唔會用電腦
- 新電腦盲
- 明明以前個人電腦係日本好普及
- 在十多年前，在日本地鐵車廂看到年輕男女不斷按手提電話，都知道手提電話會是大勢所趨的日常工具
- 以前一人一部 PC，而家一人一部電話，一個 Cloud、PC 變返 office 用
- 老老實實，話唔識用 mouse 真係發生緊，宜家用 pad 同 surface pro 真係好普及，當中操件根本唔駛用到 mouse 直接用手指去 touch 個 screen 就做到
- 聽而家啲後生：老嘢先用電腦就想笑，淨係識 WhatsApp 連 email 都唔識用
- 其實電腦與手機沒有衝突。假如日本中學生只使用手機而不懂使用電腦鍵盤，更是奇聞。
Source: hkgolden