因把台灣改稱「中國台灣」而被瘋狂查問飛「中國台灣」是咪只需帶回鄉卡的 Cathy Pacific 國泰航空，日前跪低遵從中國民航局的指示把台灣改稱「中國台灣」。此舉難免惹來乘客疑惑，紛紛到 Cathy Pacific 國泰航空 Facebook 專頁查問，以後飛「中國台灣」是咪只需帶回鄉卡，不用 passport 甚至簽證；有自稱 Diamond 會員對國泰航空向中國民航局屈服表示十分失望；有網民留言表示要剷 app。
網民「魚翅航空無女」日前在 LIHKG 討論區發帖，題為「因航 o係 facebook 瘋狂比人問，係唔係只帶回鄉卡就可以上機去台灣」，隨帖上載一張圖片，目測是國泰航空 Facebook 專頁的截圖。從截圖可見，不少網民認真查詢，國泰航空把台灣改稱「中國台灣」之後，乘搭國泰航空前往中國台灣，是咪只需出示回鄉卡即可。
【精選消息】
截稿前，帖子贏得 1,368 個正評，13 個負評。有網民提議：「不如一人夾一蚊買張台北機票比嗰個鑽石菠蘿親身玩野」、「係咪乘搭改稱台灣為"中國台灣"，航空公司班機去台灣，只要帶回鄉卡就 ok，唔駛申請入台證？」。
網民：「其實都係中共冇腦」
有網民狠批：「其實都係中共冇腦，因航又怕得罪蠢人」、「中國民航局關香港民航署_事咩」（文字經過處理）。
有網民冷嘲：「原來叫商業機構對台灣改名稱 就可以統一 駛鬼攪武統！」
【精選消息】
其它網民留言，節錄如下：
- 第一次聽鑽石菠蘿 利申每次上機會有枝水同有個大粒黎 say hi
- 咁又冇問錯喎 如果係中國一部分，點解唔可以用回鄉卡就返到？中國民航局應要處理埋呢個問題
- 同成日講香港係中國一部分 但淘寶唔包郵一樣 土共真係on_9（文字經過處理）
- 又唔見日航，美航，美聯航，全日空，達美，大韓改名，佢 o地一口氣去支那化，同你玩零個支那
- 決定買佢飛台北 如果我見任何 communication 有中華民國/台灣台北之類 就報俾中聯辦 利申：會話自己淨係帶左回鄉證再_地勤搏 upgrade（文字經過處理）
【精選消息】
Source：LIHKG討論區