今日（7 月 27 日）網民其中熱談的一個 post 是一則新聞報道，內容提及警察在中環蘭桂坊放蛇嚴捉黑的，原本成功截查一名於中環蘭桂坊去金鐘，濫收 HK$150 車費的 60 歲的士司機，並準備將其拘捕，但其後的士司機得悉中伏，加上見到車外早有其他警察等候，於是決定連人帶車載着警察逃走，先沿東區走廊加速駛到柴灣，並於環翠邨對開迴旋處折返，過後去到天后興發街與歌頓街交界時，終被 4 輛警車前後包抄，司機見狀只好停車，惟有人仍拒絕落車，最後要警方多次示意「武力指示」後，的士司機才肯合作下車被捕。
【精選消息】
【精選消息】
事件原來很簡單，只是牽涉濫收車資一項，但經過的士司機的「車手大龍鳳」舉動後，如今說不定多加數項控罪，因為在過程之中，的士司機已有超速、衝燈、越過雙白線，甚至拒捕等行為。因此該新聞一出，有不少網民都摸不着頭腦，不能理解這名的士司機要這樣做。有網民留言提到：「本身只係衰濫收車資，初犯最多咪罰吓款扣吓分，而家搞到分分鐘停牌坐監」、「有冇人可以代入到當時的士狗嘅心理狀況，講解下點解要車埋個阿 sir 走？」、「個差人喺你部車度，你揸部的士可以走得去邊？」，另有其他網民對事件抱有另一個觀點，就是「個警長連個的士佬都搞唔掂？」，並猜想該警察由於事後感到暈眩不適，需要送院治理的話，可以「拎返幾日假」。
此外，由於事件實在太過峰迴路轉的關係，所以有網民打趣提到，如之後有開庭審訊的話，都想到庭旁聽，從中得知事件真相。其實沒能到庭旁聽都不要緊，他日如會開庭審議事件的話，說不定會有法庭新聞報道呢！
精選網民留言：
- 本身只係衰濫收車資，初犯最多咪罰吓款扣吓分，而家搞到分分鐘停牌坐監
- 有冇人可以代入到當時的士狗嘅心理狀況，講解下點解要車埋個阿 sir 走？
- 差人喺你部車度，你揸部的士可以走得去邊？
- 想聽審
- GTA 定極速的士
- 個警長連個的士佬都搞唔掂？
- 的士狗係咪弱智？個警察已經喺車上面，你走去邊呀，定係諗住入到荒山野嶺先搞掂阿 sir，真係完全代入唔到佢個邏輯
- 畀你走甩又如何？
- 知埋你車牌，車上仲有警犬，你走到今次都好快比人搵返啦
- 睇篇報道表明身份果吓係交咗錢畀司機，而佢又真係收 $150 蚊果吓，應該都冇得走雞
Source: lihkg