尾隨車輛開高燈，射到你全車光晒一棟都冇，這種「太陽拳」光害帶來的痛苦，你究竟明唔明白？網民 Zepaki Lam 日前在 Facebook 群組「馬路的事討論區」發帖，隨帖子上載一張圖片（如下），並表示：「對高燈 L 有好大怨氣」。小記心諗有咩咁大怨氣呀高燈 L？遂往圖片看。目測圖片有一輛私家車，車廂後座玻璃疑似掛了 12 支 LED 流氓射燈，嗚哇！
你娘親！幸好流氓射燈並沒有開啟，否則小記盲定了！截稿前，帖子贏得 2,055 個 emoji 心情、186 個回應、54 則分享，網民紛紛讚好，似乎很認同這個車主的做法。
【精選消息】
「上淘寶團購」
網民甲問：「咩黎？反高燈用嘅？幾錢」；網民乙回應：「對應太陽拳之還擊」。網民丙好心郁：「求購買 link」；網民丁教路：「上淘寶打反流氓射燈」。網民戊慫恿：「一齊團購」。網民己如奇冷靜：「點用架？」，網民庚派膠：「係按掣就會著燈，非常方便」。
點解要咁做呢？有網民指：「呢個司機對開高燈嘅人絕不手軟」，因此在車尾安裝「流氓射燈」反擊、「正 後面有 d 車 d 燈光到人地睇唔到野，仲要頭暈 係唔知會唔會比警察搞返轉頭」、「有時啲人係要以暴易暴」。
「比人撞屎忽」
但也有網民不敢苟同：「唔開當装饰，開燈就大 L 鑊，告到衭甩」、「 一開燈 遇到差佬 捉去驗車 非法改裝」、「 阿 sir 見到拉得 」；有網民擔心：「比人撞屎忽贏家變輸家，隨時要賠償扣分加驗車全套」。有師兄曲線：「一物多用㗎！衝燈 超速開住咗相機包影唔到佢」，有師弟認真：「師兄，你唔好引導錯誤，小心字眼」！
【精選消息】
網民：「用啲舊 CD 碟 咪算」
A 君認為唔犯法：「我又唔覺得犯法 如果佢係手提裝備 無接駁落架車度 佢依家又無著住行車」，B 君解釋：「安裝就唔肯定有冇問題，但係如果佢開燈反擊高燈 L 而導致高燈 L 發生意外，咁就一定犯法。」
如果真係好很痛恨尾隨車輛開高燈，有網民建議：「用啲舊 CD 碟 咪算」、「 唔知放兩隻 LD 會唔會食草呢? 」、「直頭用一大幅反光鏡，咁鍾意塞車開高燈 L 啦」！
【精選消息】
其它網民留言，節錄如下：
- 最新款隱戰嚟
- 好想睇佢 on fire
- 其實對頭車既高燈仲危險...
- 可以避快相機
- 日本車裝比人撞撚到飛起
- 車主心諗你射我，我用三倍射番你大家鬥射，我咪驚過
- 佢平時肯定好慢啦
- 一個字 型
- 睇佢車尾嘅造型，遇到高燈多數都係停車多嘞
- 可能佢係快線 L
- 好多的士，燈影都好高，行佢前面，都俾佢射親。
- 其實可能係地盤車照明用嘅，應該係除非唔係。
- D 新款㭍人車重堅，前燈位置提高了，避無可避。
Source：馬路的事討論區