香港尤其年輕人越來越喜歡北上深圳消費，中國人亦如常來港瘋狂購物。有網民擔心，這情況終將導致中港自然融合，根本不用政府介入。
網民「穎」日前在香港高登討論區發帖，題為「【乜拎心態】中國人都識來港避假貨 香港年輕人居然經常北上消費」。小記都驚訝，原來是 Youtuber 帶起北上風？樓主在帖子表示：「中國人經常黎香港打針、食野、消費，理由都係信唔過大陸野，有錢情願黎香港買好野食好野。」
係丫，咁點？
【精選消息】
Youtuber 吹奏掀起北上熱潮？
樓主拆局：「但香港就偏偏有 D 人經常北上消費（尤其新界地區人士）。再加上大量 youtuber 唔知係咪收錢做打手，經常瘋狂吹奏深圳衣食住行平靚正。」
他預測：「天堂有路不走，地獄無門自來投。再過 10 年，唔駛政府做野，香港都會同大陸自然融合！」唔係呀嘛！？
樓主突破盲腸，贏得網民關注，熱烈討論。截稿前，帖子已獲得 104 個留言。有網民直指：「未見過鬼唔怕黑姐」、「講到底都係窮，消費唔起姐！不過搞到咁既環境大家都要知邊個負責任，希望依一代下一代好好生存落去」。
【精選消息】
網民：「係窮呀！Hi 你個_！」
有網民引用地盤金句：「係窮呀！Hi 你個_！（文字經過處理）」、「甘刀要問，咪就是窮 lor。深圳鼎泰豐食籠小籠包 16 蚊人民幣，香港鼎泰豐食籠小籠包 58 蚊港幣=.="」；有網民補充：「仲有，深圳一籠有 8 粒，香港得 6 粒」。
對於樓主把港人瘋狂北上的「責任」推向 Youtuber，網民：「講開又係 好多都拍深圳片」；另有網民不屑深圳：「深圳咁向左走向右走遠 我去台灣食好過。」
【精選消息】
其它網民留言，節錄如下：
- 啱呀 窮嘅年青人要消費娛樂要打卡唯有向錢低頭 不過佢地同時無骨氣傻的嗎 9 亦都係真嘅 寧願食元素表都要打卡 好過喺香港摺埋 而有錢嗰班年青人就一年去幾廿次日本啦
- 等啲一等公民黎到香港消費嗰陣咪會少啲香港人排隊囉 二等公民唔好阻住晒
- 咪係囉。無錢又要消費，唔和垃圾兼容可以點？要怪就怪窮向左走向右走唔識安分守己，無咁大個頭又要載咁大頂帽。間接令到啲劣質文化流入香港
- 香港年輕人=賤民。社會已經比五六十後玩爛左，經濟單一，樓價全球最貴，打工無退休金，香港睇套戲要 150 蚊，一街都係 gip，根本行唔到。你估佢地唔想係半島食 Tea？年輕人淨係夠錢上大陸食 d 黑心食物咋。
- 希望佢地快 d 上埋大灣區住啦
Source：香港高登討論區