「香港其實，我哋非常之『瓜』住你！」老外 rap 廣東話兼拍片頌揚香港，揮舞香港區旗！美國老外組合 The Gwai Lou Show 日前在 Youtube 官方頻道上載最新 MV 〈What Up HK (feat. Monica Moore Smith)〉。乍看竟然是幾個美國老外 rap 廣東話，以嘻哈歌詞宣揚香港；拍攝 MV 之餘，還找來年僅 21 歲的美國歌手 Monica Moore Smith 客串幾句「Hong Kong 企室，我 day 非相之瓜住你」，誠意爆裂！截稿前，短片贏得 2,170 個好評，8 個負評；亦在社交網站瘋傳，人人跟住 rap！
The Gwai Lou Show 的〈What Up HK (ft. Monica Moore Smith)〉MV 共有 5 人登場演唱，包括兩個主音老外「艾正斌」與「田承忠」、Monica Moore Smith、以及兩個懂後空翻的老外友仔！
【精選消息】
駕「坦克」 揮港旗
影片開始，4 個美國老外男，駕著疑似坦克四個轆駛進一個沙漠般的戶外、揮舞香港區旗登場。艾正斌與田承忠分別說出自己的名字。
艾正斌先撩：「你食咗飯未？」
田承忠瀟灑答：「食咗啦。」
艾正斌眼神凌厲：「你準備好未？」
疑似浪費 KFC 食物
田承忠疑似被撻著叫囂：「let's go」，右手並使出昇龍拳，弄翻艾正斌手上的疑似 KFC 食物。
【精選消息】
搔首弄姿 rap 香港
鏡頭突然換了場景，是靚女 Monica Moore Smith 站在一個山頭上，搔首弄姿地 rap：「香港其實，我哋非常之掛住你」。接著由艾正斌與田承忠 rap 住讚好香港。兩個老外介紹自己係高佬、唔係 ABC、唔係中國人、係美國人；又自誇因為口音而講廣東話好正；更承認是痴線仔、住香港唔係好耐、因此廣東話講得唔快。
自爆好鍾意食 KFC 的斌仔話，睇佢衣著與膚色，就知佢哋係美國人；如果你能睇穿內心，其實佢哋都係香港人云云。他們又剖白唔識功夫（從片段看他們表演真係好屎），又提到歐陽靖、地鐵、的士、會食晒炒麵、香港音樂最好係張敬軒、唔夠 Daniel Wu 咁靚仔等等與香港文化有關的人與事。
【精選消息】
影片在網絡瘋傳，面書群組「巴打絲打 FacebookClub」亦猛烈討論。截稿前，帖子贏得 2,357 個 emoji、240 個回應、1,594 則分享。
大讚老外廣東話
有網民大讚老外 rap 廣東話：「 D 口音幾正~!!!」、「仲容易明過譚仔阿姐啲廣東話」、「如果譚仔姐姐唱呢首歌會點呢」、「SKR」、「感動」。
有網民聽不明白：「支持還支持，如果你唔出字幕，我真係聽唔明呀大佬」、「香港人自己唔爭氣，叫幾多口號都冇用」。
瘋狂討論 Monica Moore Smith
不少網民瘋狂討論 Monica Moore Smith 在唱甚麼：「我聽倒鬼妹唱 : 香港智商,我地非常之好你」、「Hong Kong dessert 我地非常之想煎巴你」、「我聽到飛上天煎巴你」、「乜野香港 D 腸」、「Hong kong desserts , 我地非常之掛住你，hon kong desserts 我地非常之想返返黎？」
不屑老外讚香港？
有網民不屑老外唱廣東話：「_你老母侮辱廣東話死鬼佬（文字經過處理）」、「人地起碼會講廣東話」、「又 5 洗甘嘅.香港人講英文嘅時候人地又有冇_我地呢.自問英文 5 係好好.但起馬我同佢地傾計冇人話過我.仲話願意試講英文對答好讚賞. 佢地都係想宣傳香港文化.係讚緊香港咼」（文字經過處理）
有網民慨嘆：「鬼佬見香港/中國人講流利英文就覺得理所當然，香港/中國人見鬼佬講幾句聽都聽唔明既中文就好似發現新大陸咁」、「仲要讚佢啲鬼佬口音好可愛」。
風頭火勢搞港獨？
在這風頭火勢，老外居然招遙揮動香港區旗，有網民直指：「港獨」、「小心"被社團"呀!」、「最失敗就係個知爛 9 區旗！」、「我都想問 唱廣東話 點解要支香港旗」、「可能 H K 最多人仲講緊香港話」。
The Gwai Lou Show 〈What Up HK (ft. Monica Moore Smith)〉MV 字幕
艾正斌
田承忠
你食左飯。食左啦
你準備好未。LET'S GO
Hong Kong 其實我地非常之掛住你
Hong Kong 其實我地非常之想返番嚟
你哋想唔想知道，我都會話比你哋聽
我地都係高佬，但係而家講d flows
(flow)
我哋倆個係邊個
你哋聽我哋講就會令你哋知道(你知)
Who is KT 我都唔知道(I dun know)
歐陽靖(AIYA)有冇聽過
唔好意思我地都唔係ABC
聽到呢首歌嘅時候一定就會令你知
(你知)我哋都唔係中國人，因為奇怪嘅口音
點解呢兩個美國人講廣東話咁正
我都唔知，應該係，兩個都係痴線仔
(ya crazy)
我地住喺香港，唔係住左好耐
所以我地唔可以講到好快
我哋識少少扮代表
你哋可能覺得我哋好搞笑
Hong Kong 其實我地非常之掛住你
Hong Kong 其實我地非常之想返番嚟
Hong Kong 其實我地非常之掛住你
Hong Kong 其實我地非常之想返番黎
我叫斌仔，以前住喺香港(Hong Kong)
中文字唔係好識睇，我識聽
所以我哋可以傾下偈(Hit the soul)
不如我請你食飯？因為我好鍾意雞
你睇我d衫，你睇我嘅膚色
你就睇得出我係美國嚟嘅外國人(鬼佬)
如果你可以睇得穿我內心
你就更加會睇到，我其實都係香港人
(LET'S GO)
不如我地搭的士？或者可以搭地鐵(MTR)？
希望將來認識你！行嚇街
(in the street yea)
我d香港朋友你哋想做乜？
打籃球買野食，喺嗰邊7-11(思樂冰)
對唔住，我唔識功夫(I dun know)
我都唔係咁靚仔
好似 Daniel Wu
香港音樂，最好係張敬軒
我雖然係美國嚟，我都會食晒d炒麵
「Hong Kong 其實我地非常之掛住你
Hong Kong 其實我地非常之想返返黎」X 4
Source：巴打絲打FacebookClub, Youtube