見到有人睡在垃圾房的床褥上，有啲咩要注意？有網民 B 君日前在面書群組「巴打絲打 FacebookClub」發帖，上載了一張圖片。從圖片目測，有個疑似女人睡在垃圾房的被遺棄床褥上，周圍都是大大個垃圾筒，看圖片都嗅到異味。樓主 B 君表示：「去垃圾房掉垃圾，發現有人掉咗個仿真度極高嘅矽膠娃娃，有冇巴打想要？（自取）」B 君補充：「P.S:我冇興趣」。
【精選消息】
從樓主 B 君的帖子內容推測，也許是想幽默一番，取笑有人瞓垃圾房，這個女人被遺棄了，有冇巴打想收留云云。然而網民反應卻是一面倒不討好。估計樓主 B 君已隨即刪除帖子，可是卻被網民截圖了。
樓主刪帖 卻被截圖
網民 Tin Ho 未幾也在面書群組「巴打絲打 Facebook Club」發帖，附上一張圖片就是 B 君「有個女人瞓垃圾房」帖子的截圖（如下）。Tin Ho 表示：「以為 del 左就無事？」截稿前，帖子贏得 343 個 emoji（包括 188 個嬲嬲）、569 個回應、8 則分享。網民幾乎一面倒正氣上身，圍剿公審原樓主 B 君。
【精選消息】
「清潔工在垃圾房小休」
網民表示：「好 L 好笑咩 人地呀姐做野做到身水身汗攰攰地攤喺度休息下又關你事？影響到你？」、「你以為人地唔想有地方訓咩」、「好可憐個阿婆！點解 Ｄ卜街重影人地放上網笑人地！樓主個心是否用屎做的！」、「清潔工人在垃圾房小休一陣都要比你笑」、「原樓主阿。。你其實係咪嬲人瞓咗你張床阿?」。
「識唔識基本尊重」
網民接力粗言辱罵原樓主，不斷乜街物街又問候老母。網民：「你個 post 張相，同你個標題，你認為好好笑咩？有無諗過點解有人訓垃圾房？你出個 Post 係為左咩？ 爛 gag 、吸 like 、出位？識唔識咩叫基本尊重呀！你都 2x 啦！唔識分乜野應該同唔應該咩 ？」
【精選消息】
「職業無分貴賤」
欲罷不能！越鬧越有。「正垃圾！職業無分貴賤！無清潔工 任何地都死亡！」、「向低薪的清潔工人致敬!」、「清潔阿姐都係人，午睡片刻好精神。」
網民揚言要打人
有網民揚言要打人：「掉，梨，鹵，帽，西…小弟做廚師的，之前落場時間用紙皮訓樓梯和後巷都有…尊重下好喎，你敢在我面前講，我頭都打_爆你啦…」（文字經過處理）、「我幫你打埋一份」。
「民生越來越倒退」
極罕其他意見者：「依家做香港人真係悲哀，唔好話訓，休息都唔應該係依啲環境休息，民生越來越倒退」、「巧豐滿啊」。
Source：巴打絲打FacebookClub