搭巴士上落車，巴士司機主動向乘客講多謝、拜拜？在日本搭巴士，這情況也許很常見；但在香港搭巴士，可能是天方夜譚。難怪當有網民巧遇百分百有禮貌巴士司機，幾乎失控不敢相信，更要發帖出力表揚！
網民「九十九」日前在 LIHKG 討論區發帖，題為：「個巴士佬痴左線呀！！」從標題推斷，樓主幾乎「接受唔到」有禮貌的巴士司機。
OT 狗咁樣等巴士
他分享親身經歷：「是咁的 今日無啦啦 OT 左成粒鐘 已經狗咁樣等巴士。架巴士到站一開門上客 我就聽到啲好不可思議嘅說話由個巴士司機個口講出嚟」。
【精選消息】
上車講 thank you
樓主續稱：「架車門一開 個巴士佬講：請上車。每個人上車比錢果下，個巴士佬都會講聲：多謝 唔該哂 thank you。」
落車講拜拜
樓主坦言：「我嚇左一嚇！點知到下個站有人落車，佢又同啲人講：拜拜。」
希望佢堅持落去
樓主突然間覺得好感動：「原來社會上面仲有人返工返到咁有熱誠，希望佢可以堅持落去。」
【精選消息】
發帖僅數小時，截稿前，帖子已贏得 3468 個正評，12 個負評；網民踴躍留言激讚，推爆帖子。有網民表示：「日本先有呢 D 司機」、「咩線」、「好_尊敬依 D 人，人地未必對佢有禮，但都會將自己做到最好。」（文字經過處理）
可能係臥底
然而，也有網民對事件存疑：「可能係卧底」、「我幾肯定係第個國家派黎嘅間諜」、「有冇問佢生活係咪不如意? 安慰下佢?」。
台灣司機都係咁
有網民分享在台灣經歷：「係台灣好多司機都係咁。佢地有 MIC，見過一上車每個講多謝，每一個落車都講小心落車。開車前會講要開車小心 D，每到一個站都講呢個係咩站；見到人多就叫人企入小小，一直係度講要小心，唔係會撞到老人家。我以前返學果架仲搞笑，會同我地 D 學生係度唱歌，次次都好多野講係度 9UP」。
【精選消息】
小巴司機都有禮貌
此外，有網民表揚小巴司機：「之前坐小巴都試過，一人上車都叫會叫人扣安全帶；每次埋完站開車前又會『坐穩啦，開車啦』咁樣；然後又逐個站問人有冇人落，唔洗 D 乘客自己大叫邊到邊到有落咁」。
另有網民接力褒：「我見過個小巴 每次人地拍 8 達通都講多謝；每次轉彎都會講： 而家開始轉彎 請坐穩！落車又會講多謝」。
又關吉野家事？
樓主可能表揚表上癮，竟 encore 留言表揚吉野家：「黃大仙吉野家都有個 staff 好有熱誠，唔該前唔該後，執檯慢左少少都會同你道歉，呢啲打工仔真係不得了」。
Source：LIHKG討論區