年紀「有番咁上下」的朋友，應在從前中學課堂學過一篇名為《請客》的文章，當中提到中國人雖好請客，但有時會被一些另有所圖的人利用，將請客作為一種從中圖利的手段，曲解了中國人好客而請客的原意。可是華人很多時是口裹說不，但身體很誠意的一群人，因為最近討論區一個網上 post，是講樓主吃姊姊生日飯，有樓主、樓主姊姊、姊姊男友及樓主母親 4 人，最後「未來女婿」提出食飯夾錢，付回自己一份的 HK$300，但「未來岳母」斷言拒絕，之後更向樓主講：「覺得家姐條仔好小家，嚟得就預請，做埋曬啲無謂嘢。」之不過，樓主都補充一句：「但係明明佢出發前又講過句無啦啦又要請多個」，並提到姊姊及姊姊男友的背景：姊姊月入 HK$5 萬，姊姊男友月入 HK$1.5 至 HK$1.6 萬。
【精選消息】
【精選消息】
此外，樓主其後有提，「老母就𣎴嬲唔太喜歡條仔，覺得佢窮又冇讀大學個啲。」因此樓主即使自己覺得姊姊男友提出食飯夾錢純為「循例做下樣，冇咩大特別姐」，但因為在於樓主母親眼中，已假定「未來女婿」是窮小子，所以他做任何事情都不會討得「未來岳母」歡心，如網民留言所提：「你老母嫌人窮啫，請唔請食飯好小事，掉返轉如果條仔好有錢，咪有埋雞脾食囉，典型香港老母」、「條仔醒目嘅第一時間就話佢俾哂，冇位俾長輩入到，好明顯而家係老母一早唔 gur 條仔，一有位就入，做咩都衰」。
事實上，樓主姊姊月入 HK$5 萬，但姊姊男友月入只有 HK$1.5 至 HK$1.6 萬，的確不是門當戶對，有網民認為：「都預咗會有好多問題」。但，「條仔無厘醒目」、「唔識做人」都是能夠從以上事件中反映出來。正因如此，有精明網友建議：「你家姐醒水就預先同男朋友夾定啦，叫條仔畀咗先，條仔冇錢咪最多事後兩個拆番條數囉。」
精選網民留言：
- 華人文化就係個個爭請客但其實個個都唔想畀
- 唉，唔識做人。雖然呢個社會係咁虛偽，但係唔做就係你錯
- 講真我覺得請係禮貌呢，真係我覺得條仔仲小家
- 真係小家喎，應該要請哂啦，仲比果 3 張 HK$100 蚊出嚟，肉唔肉酸啲
- 條仔醒目嘅第一時間就話佢俾哂，冇位俾長輩入到，好明顯而家係老母一早唔 gur 條仔，一有位就入，做咩都衰
- 你老母嫌人窮啫，請唔請食飯好小事，掉返轉如果條仔好有錢，咪有埋雞脾食囉，典型香港老母
- 你家姐醒水就預先同男朋友夾定啦，叫條仔畀咗先，條仔冇錢咪最多事後兩個拆番條數囉
- 生日一年一次，個數又唔係大到負擔唔到，條仔識做就應該請嘅，不過樓主你老母畀完錢，又要數人不是，就肯 X 定最小家
- 係「畀返自己果份」呢下小家，應該話呢餐我請，個老母一話唔使就即刻縮，反而冇咁肉酸
- 雖然老母擺明嫌條仔窮，但條仔都係無厘醒目。其實一對情侶，50K V.S. 15K 都預咗會有好多問題啦
Source: lihkg