去旅行，遇到細蚊在飛機上喧嘩跑跳，鄰座的你肯肯定明白箇中痛苦！因此，當網民「謝晶源」日前在 LIHKG 討論區發表一篇題為「真係唔明 d 父母帶 2-6 歲去旅行仲乜_」（文字經過處理）的帖子，小記與網民都好很有共鳴，踴躍討論。截稿前，帖子已贏得 1144 個正評，72 個負評。究竟父母帶 2-6 歲小孩去旅行，錯在哪裡？按樓主在帖子分析，可歸納以下「5 宗罪」：
父母帶小孩去旅行 5 宗罪
樓主在帖子開首表示：「因為等緊機好_悶出 post」（文字經過處理）
【1】父母似牧羊
樓主憐憫別人父母：「見_到佢地就慘，好似去牧羊咁。岩岩係市區已經見到小朋友又_叫又喊又扭計，你話帶佢地探親都話。」
【精選消息】
【2】小孩外國食嘢冇感覺
樓主認為，小童吃了外國好西，將來都沒有回憶：「你帶佢去食外國好野，佢地咪又係冇感覺，唔通佢幾年同返 d 老豆老母講 當年間野好好食 你求_其係便利店買個雪糕俾都得啦。」（文字經過處理）
【3】玩具香港有得賣
樓主不解，為何父母要到外國買玩具。「行過玩具仲慘，明明 d 玩具香港都有得賣，去到外國真係厭自己冇野拎買_左成盒 lego。」 （文字經過處理）
【4】機場亂郁撞行李
樓主提到小孩在機場的潛在問題。「係機場 d 行去 boarding d 電梯 郁來郁去 又唔小心撞_人地行季，你_佢又唔係。一陣大人互_就無謂。」（文字經過處理）
【5】搭飛機瘋狂_叫
樓主：「我都唔講搭飛機瘋狂_叫！」相信不少網民有共鳴。
樓主總結：「俾我一定拎俾老人家照顧，至少懂性少少先帶佢地去」。
【精選消息】
小孩旅行 大個記得
對於樓主提出的 5 宗罪，網民持不同意見。有網民不認同小孩長大後忘記兒時旅行回憶：「4-5 歲去第一次旅行啲野其實到大個都記得,」、「我老母當年帶我去泰國同新加坡，我淨係記得好_熱 同 泰國見過大象。」（文字經過處理）
小孩想去？大人焗湊？
為何父母要帶小孩去旅行？網民：「因為好多時都係小朋友話想去旅行」。有網民不認同：「其實係父母自己想去，又或者係啲父母話要帶個小朋友出去見識多啲嘢」、「唔通個小朋友話想去巴西睇足球,D 大人又帶佢去咩 小朋友邊會知道咁多外國資訊呀」、「帶佢去大球場咪得」。另有網民表示：「無人幫手湊焗住帶埋」。
【精選消息】
小孩學習效率高
有網民認為小孩學習效率高，到外國見識快上手：「4-6歲有咩問題 我侄仔都係 4-6 歲去日本學滑雪，依家仲勁過我」、「平衡力特強」、「細路仔過去學真係上手又快又勁」。
3 歲以下不宜飛？
究竟幾多歲不宜去旅行？網民：「三歲以下絕對不宜，係飛機上噪住其他人就唔好」、「好_憎 D 細路 BB 係飛機_叫_喊,好_辛苦。」（文字經過處理）
有網民認為樓主不明白父母：「樓上班人肯定未生兒育女結婚」，但遭 KO 式反對：「有無結婚仔女，同有無公德心無關係」。
Source：LIHKG討論區