消費三幾百蚊都要碌卡，你哋有冇做錯？網民「行為藝術家」日前在 LIHKG 討論區發帖，題為「_...好心 D 人個少少錢就咪鬼學人碌卡啦」（文字經過處理）。樓主非常不屑啲人消息三四百蚊，都要簽信用卡交易，「阻住全世界」。然而帖子惹來網民嬲嬲，截稿前已贏得 2091 個負評，33 個正評。有網民表示冇 cash、帶 cash 麻很煩、也有直認貪儲積分、更有指用 fintech 電子支付，1 蚊都「碌卡」！
【精選消息】
「信用卡邊係咁用」
樓主在帖子表示：「有時我食放題 / 買野，見到 D 客食個三四百蚊，又學人用信用卡比錢。」
咁又點呀？
樓主坦白：「我心諗 _..信用卡邊係咁用嫁，你咁樣不如用 CASH 仲方便啦！」（文字經過處理）
樓主，你都係講番中文啦！
樓主用中文：「講真，你用卡 阻_住晒全世界，又要簽名又煩，又唔係多錢。」（文字經過處理）
【精選消息】
「慳錢儲分真係 CHEAP」
樓主突破盲腸：「咪即係又係貪便宜，慳錢儲分，真係 CHEAP _到_街囉...」（文字經過處理）
「無錢找卡數」
樓主原來打從心底裡關心卡主：「成日碌碌碌，係咪以為自己好型呀，遲下無錢找卡數我逐個恥笑！」（文字經過處理）
樓主用卡攻略
樓主教你用卡：「基本上，大於 1000 蚊既我先會考慮碌卡，如果唔係既話，幾一百幾十都碌卡真係好_囉....」（文字經過處理）
【精選消息】
有網民表示：「用 apple pay 一蚊都碌卡」，樓主回應：「真係好 CHEAP」，遭網民炮轟：「你 ON_ 姐」（文字經過處理）。
有網民自首：「我冇現金」，樓主：「CASH IS KING 呀」。
有網民坦白：「我都係想每年碌夠二十萬，貪果五萬 Asia mile 姐，sorry 囉」，樓主狠批：「_...好CHEAP....成個師奶咁」（文字經過處理）。
其它網民留言，節錄如下：
- 帶一千蚊出街好唔方便
- 碌你既卡啦，係咪唔想撈
- 3 400 蚊咪算多 lo。早兩日係 st.anna 買包做早餐，心諗點解前面個女人咁耐 ge，diu 原來碌緊卡，搞到我以為自己入左 annasui。
- 喺外國生活過 買支水都係碌卡既 吹咩。有咁既付款方式人地鐘意用咩咪用咩囉，關你_事呀（文字經過處理）
- 你都 on 99。我去法國係超市買支水幾毫都係照比卡，人地成個城市基本上 90 成都收卡，就算搭地鐵買飛都係碌卡，成班鬼佬同事一齊去餐廳食 lunch，係逐個人黎碌卡。走個時搭機場巴士都係碌卡，人地點碌關係_ 事咩。
- 你唔收加一，我咪俾現金囉
Source：LIHKG 討論區