限時 90 分鐘內，食晒 90 件麥樂雞，可獲兩萬元獎金？麥當勞正在進行「日日不同滋味快閃遊」劈價優惠，今天 8 月 20 日推出：$10 蚊 9 件麥樂雞。有網民即興大搞「食雞 challenge」！
食唔晒要罰
是咁的，一名網民「麥樂 Joe」豪言可以食 90 件麥樂雞，巴打們遂與他大玩「食雞 challenge」。只要在限時 90 分鐘內，食晒十盒共 90 件麥樂雞，巴打們即夾錢俾兩萬元做獎金，食唔晒要罰。今天晚上，「麥樂 Joe」真係接受挑戰，更在社交網站直播，讓大家直擊「麥樂 Joe」 90 分鐘食 90 件麥樂雞！
【精選消息】
網民 Dennis Chan 在面書群組「巴打絲打 Facebook Club」發帖，進行直播。他在帖子表示：「有人話佢食得晒 90 件麥樂雞，食晒俾兩皮嘢獎金佢，如果食剩一件罰 $100，係食晒 90 件先有錢收。限時90分鐘」。
原定在 9:45pm 直播，最終順延到 10:15pm 開始。樓主笑曰：「各位稍安毋躁 遲咗少少，唔會走數。」
【精選消息】
挑戰者後勁不繼
「食雞 challenge」頗受網民歡迎，高峰期逾 5,000 名網民齊齊睇直播。小記都以為 90 分鐘食 90 件麥樂雞好很易，豈料戰況令人意外，挑戰者「麥樂 Joe」越食越慢，點醬又飲水；超過半小時後，都只係食了五盒左右，疑似後勁不繼。
不少網民踴躍留言！有網民表示：「準備個痰罐俾佢屙屎仲好啦」、「灌佢一拳試下」、「拍佢肚」、「更係跳開心舞啦」、「聲大大，冇貨賣」、「call 定白車啦」；也有網民表示：「浪費食物」、「唔環保」！
【精選消息】
【賽果】
時辰未到，囂張的「麥樂 Joe」在吃了 54 件麥樂雞後，已宣布投降。最終 90 分鐘後，挑戰時間結束，「麥樂 Joe」剩餘 36 件麥樂雞，以 1 件罰 $100 計算，「麥樂 Joe」共輸掉 HK$3,600。
換言之，在麥當勞推出 10 蚊 9 件麥樂雞的這天，「麥樂 Joe」卻用了 HK$3,600 購買 54 件麥樂雞，平均每件 HK66.67。
對於有網民狠批浪費食物，巴打們表示剩餘的 36 件麥樂雞，會另有人吃，不會浪費。此外，「麥樂 Joe」輸掉的 HK$3,600，巴打們在直播中表示將會捐贈予香港麥當勞叔叔之家慈善基金。
Source：巴打絲打FacebookClub