私家車誤闖地盤範圍，墜進地頭陣，動彈不能，有啲咩要注意？網民 James Lai 日前在 Facebook 群組「香港交通突發報料區」發帖，表示：「1847WhatsApp 群組轉載～由 SKY 提供。周圍擺，恭喜你～」；隨帖子上載一張圖片，目測有兩部私家車停泊，但被多塊大石頭重重包圍；背景疑似地盤，有幾個大字：「沒有最安全，只有更安全。」懷疑私家車亂入停泊在地盤範圍，慘墜石頭陣，被大整蠱教訓一頓。
勞資糾紛？
截稿前，帖子贏得 982 個 emoji 心情，203 個回應。對於 Benz 車被包圍，不少網民咬著花生回應。有網民推測：「Benz L VS 建造業 擺明係勞資糾紛」；但有網民表示：「根本呢兩部車係老細叫班伙記睇實，唔好比賊仔偷走，大家諗多咗喇。」
網民討論平治車主：「點解每次呢 D _街行為！舊款平治_都有份嘅？（文字經過處理）」、「因為揸呢種車嘅_頭，成日以為高人一等.架車特别威.所以做埋啲行為都衰過人.（文字經過處理）」、「睇平冶 L 死狗款」、「求結局」。
【精選消息】
banner 口號係終國建築？
不少網民注意到私家車背後的幾個大字橫額，是圖片亮點：「重點係 banner 既字 好似為佢而設」、「沒有最安全，只有最笨_（文字經過處理」、「只有更安全，今次夠安全實唔會比車撞」、「後面嗰句口號係終国建築」。
有眼利網民，留意到石頭寫住「不准泊車，後果自負」：「人哋都大字標題 加埋警告字眼。」
【精選消息】
撐私家車
也有網民疑不屑地盤佬玩嘢，留言撐私家車：「一部舊 C Class 值幾錢？ ... 如果 Benz 方道氣又唔順，就放係到，唔通地盤唔會完工」、「999..有車比人非法禁錮！」、「call 消防」、「推前兩舊得啦」、「至平揾拖車，拖開兩件」。
有網民憤怒：「邊度咁惡? 等我 call 番十架八架去泊睇下佢有幾多舊磚」，網民勸阻：「真係可以咁惡，我諗你都係唔好試，嗰度九成九係地盆範圍，私人地方，你 call 十架八架去，佢又 call 多十粒八粒磚，佢打個電話就有雞車送到！」
【精選消息】
網民：兩架車被包圍 誓死都一齊
其它網民留言，摘錄如下：
- 對付違泊一個好方法，搬石費每舊一千，仲要唔知等幾耐先有人搬
- 吊雞佬收左工，要攞車明天請早
- 自作孽
- 慘過比人鎖
- 產車 車一野二百 吊雞 吊一件五百 仲貴過抄牌
- 我真係第一次見...
- 而家 d 地盤佬真係惡過_（文字經過處理）
- 真係奀皮
- 世界將我包圍
- 兩架車被包圍 誓死都一齊 壯觀得有如 石凳的洗禮
Source：香港交通突發報料區