真愛是真！一對情侶之間有很大年齡差距，有啲咩要注意？港女網民「藍色香蕉」日前在香港討論區發帖，題為「男朋友大我 16 年, 老豆唔俾我地結婚..」。港女在帖子表示，與年長 16 歲的昔日上司談戀愛，兩情相悅。到了談婚論嫁的階段，可惜港女老父強烈反對。對於愛情就是一切的港女，今次點樣算？
港女 24 卜卜脆
港女在帖子表示：「佢係我舊公司個上司, 佢追我好快就一齊左, 生活同相處都好好。」
小記：好好咪好囉，有咩問題呀？
港女續稱：「但唯一問題係佢大我 16 年, 佢 40 歲我就 24 歲。」
「嘩！」小記花生咬一口，專心聆聽。
【精選消息】
「我都冇陳 X 琳咁靚女」
港女：「本來以為大家唔介意就 OK, 但講到結婚時, 我老豆就強烈反對, 因為佢先細過老豆幾年, 老豆就話我痴線好搵唔搵搵個老野, 話睇見都唔開胃, 一定唔俾我同佢結婚...」
難搞！不過娛樂圈不乏「父女戀」：甄子丹、黎明、郭富城、鄭嘉穎、杜德偉、黎姿…… 好很有參考價值丫！
港女慨嘆：「唉.. 其實我地情況好似鄭 X 穎同陳 X 琳一樣咁, 當然我地冇佢地咁有錢啦, 同埋我男朋友都冇佢咁靚仔, 有 D 地中海同大肚腩咁, 我都冇陳 X 琳咁靚女, 但係我地真係真心相愛架嘛, 人地老豆都俾啦, 點解我老豆唔俾姐...」
網民：四十年之後…
有自知之明的港女囉囉孿，點樣算？截稿前，帖子贏得 33,553 個點擊率、370 個回應。不少網民踴躍留言，似乎都對父女戀很感興趣，有獨到見解。究竟「父女戀」有啲咩要注意？歸納網民意見如下：
【01】老夫少妻，將來妳就知
- 佢爸爸既出發點都系為你，因為老夫少妻，你試吓坐低同你爸爸心平氣和咁傾下
- 老夫少妻，當三十、四十年之後，你要照顧他，你是很辛苦的！
- 當然拍拖年齡相距不是問題 , 最大問題是之後 , 他年紀大了 , 需要你照顧時 , 你可以嗎 ? 你爸爸都是為你幸福著想 , 個個爸爸都想自己個女幸福 !
【02】如果有了子女
- 如果冇打算生小朋友還好，打算生小朋友的話，廿年之後，你可以獨力照顧已退休的老公、還未出身的子女嗎？還未計你父母喎
- 過 20 年，你要養自己父母，老公，同小朋友。 當然如果對方大把錢，20 年後佢搞得掂自己就無問題。
- 加埋你講到男朋友大肚腩，老左小心有 3 高
港女回應：「如果係結婚就梗係想生 B。」
【精選消息】
【03】男人命短
佢 40 歲，當你結婚後即刻生仔，個仔 20 佢都 60。到時你先 44 歲，要准備幫佢養老。男人通當比女人短命，佢走咗你嗰十幾二十年點過？
【04】中坑冇朝氣
- 我估你父親未必真係年紀既問題，而係你男友外形俾人感覺太中坑既問題，地中海就或者難控制 d，但有肚腩就多少同無咩運動走動有關。會唔會係男友俾人感覺老態無咩朝氣咁呢？
- 日子耐咗，你們的差距越來越大，妳想玩機動遊戲，佢老了唔敢玩；妳唱 k 唱天光，佢老了要早睡
【05】外形失敗
- 其實如果你男友 keep 得好既話我諗你老豆唔會介意 你諗下你同你男友出街, 俾人話似老豆拖住個女, 你老豆情何以堪呀
- 人地鄭加穎咁靚仔，你條仔就甩頭髮又肚腩點比呀，起碼都戴下假髮搞搞個頭先啦，再唔係俾錢去植個髮，你老豆見到佢同自己一樣咁老，點放得手
- 佢又唔係鄭嘉穎
港女回應：「假髮睇落咪仲假..植髮都有得諗,佢以前都有同我講過話想植,但我話洗咁多 $ 不如俾我買袋好過...」
【精選消息】
【06】代溝
- 最初就可能甜蜜,但是生活耐咗大部份人會代溝
【07】拍咗拖幾耐
- 你地拍左拖幾耐呀？比你爸爸睇到佢既好同覺得佢係值得交托既人，佢先至會放心既
【08】不用結婚 一直相愛
- 用時間證明你地相愛, 叫你男友做多 d 野加分! 不過其實唔結婚都 ok丫,相愛一世就得。
- 你睇下郭富成？外父仲細過佢呀！咁又點？咪一樣生女好幸福，都婚後一年了，還咁恩愛。。。。當然你男朋友有錢就易話圍。。。。
【09】花生黨
- ok. 我来，我 29
- 研究指男女相差十六年原來是合適的
Source：香港討論區