的士去年 4 月才剛加價，起錶價由以往的 $22 加至 $24，而跳錶費亦有加。想不到只是過了一年多，約 20 個的士團體又再次向運輸署申請加價。團體申請將其起錶價由現時的 $24 直接加到 $30，加幅達到 25%！
據報道，的士團體除了申請將市區的士起錶價增至 $30，而每次跳錶亦申請加價 $0.2。若申請獲批，市區的士短途及長途每次跳錶會分別變成 $1.9 以及 $1.4，加幅達到 16%。另外，團體亦申請將停車等候時間縮短，由每 60 秒一條縮到每 45 秒一跳，同行動物、鳥類附加費亦申請由 $5 加到 $6。
【熱門報道】
【熱門報道】
【熱門報道】
的士車行車主協會會長吳坤成表示，近年的士保險費暴升，而現在又是舊石油氣的士換成新款混能的士的換車潮，導致很多司機負擔沉重。又指出「揸的士」薪酬欠吸引力，希望籍加價改善司機收入，吸引更多人入行最終讓更多市區的士成功出租。
然而網民對此反應就頗大。不少網民大罵：「加價就可以租得出部的士已經唔係一個正常人諗到嘅理由」、「租唔出個牌，點解唔考慮減租？」、「無人揸仲唔減租？」、「車主淨係唸住加價加車租；司機 10 個有 9 個都拒載！」、「而家咁塞車仲要加咁多，你真係搵有錢佬搭啦」、「我寧願去少啲夜街都唔搭你啦」、「以後绝對唔搭，你加飽佢」。
此外，有網民曲線笑說：「最好的士丶貨 van丶uber 全部冇限制等他們鬥，服務自然好丶收費自然低」、「支持加價，等多啲人搭 Uber」、「加完佢地自已圍內咪又係做幾折的，或者加到無人撘」、「最好加夠 100，還他們心願！」、「唔夠囉，司機大佬揾食咁辛苦，應該加到 3 萬蚊起錶，然後每一跳係 1 千蚊」不知道最後加價申請會否獲批呢？
Source：HKET