各位司機，左右白箭咀代表甚麼？誰說左線轉左，右線轉右？是咁的，網民「翟麗娟」日前在 Facebook 群組「香港交通突發報料區」發帖，樓主在帖子表示：「'1031 由 WTS 提供，女司機，絕冇歧視任何性別人仕成份，特登入後波，為嘅只係逆線去同一條路」。小記都睇到一頭霧水，不明所以。隨帖子上載一段視頻（如下），睇咗你就明。
迎面有車險相撞
從視頻可見，一輛白色私家車本來在左線行車，行到盡頭想轉右，居然把車子先駛向右線（逆線），逆線行車再轉右，而不是在左線行車直接轉右。從畫面可見，該白色私家車正在轉右之際，迎面已有一輛私家車正在轉過來右線，非常驚險！
【精選消息】
左線轉左，右線轉右？
截稿前，帖子贏得 553 個 emoji、140 個回應、2 則分享。對於片段裡的「女司機」所為，網民都嘖嘖稱奇。有網民推測：「佢可能記錯讓路個箭咀 以為自己行錯線」、「個箭咀做咩指住我既 死拿 我一定係行錯線」、「左面轉左！右面轉右嗎」、「避咗讓線可以直出」、「佢應該見到地面箭咀轉右，覺得右線轉右。。。。所以行右邊」。
網民甲問：「明明前面冇車點解要去右邊轉，唔通我哋睇唔到」，網民乙：「佢好明顯係睇到地下個個 「左右白箭咀」以為而家呢條線係轉左，右邊條線轉右」。
黃色燈箱有提示
網民提到安全島：「係咪宜家好多人唔知路中間個黃色燈箱有咩用呢，燈箱有個箭咀指住行左邊定右邊，真係冇常識定係盲？」、「 E 個路口好難出.下次我都學佢應該個個都讓我出」。
網民丙曲線諷刺：「單程路，靠右，右轉，咁都錯？」，網民丁中伏：「如果系單程路就冇錯！不過……你查下地圖先！」，網民丙嬲嬲：「認真你就輸了」。
【精選消息】
批運輸署要檢討
有網民狠批運輸署：「其實運輸署應該真係攞數據檢討一下筆試同路試既考核內容，缺乏知識既有，自私自利既有，駕駛態度差既都大有人在，我見過的士係高速公路因錯過左個路口，係慢線入後波，倒後行 20 米路，最後比貨櫃車爆響佢先肯停。」
網民：師兄點睇到係女司機
其它網民留言，節錄如下：
- 道路炸彈
- 真是百思不得其解???
- 今天是星期日
- 女司機：左線要讓，右線唔洗讓，梗係行右線啦，我幾聰明
- 女司機生人勿近。
- 豬西揸車
- 可能佢見到 d 你哋見唔到既野，所以要運路走
- 七月係咁喇！一半都未過！大家小心啲啦！
【精選消息】
- 逆線轉右,有對頭車就..........
- 我吾明依家 D 人點考牌？
- 大陸有牌 移民香港吾洗考牌
- 以為 Gta 畫面。。。新 game 介紹
- 是咪之牙賤畜淘寶車牌？
- 元朗啲人真係咁
- 可轉左右，只準左轉，標示都未識睇都考到牌，正明有錢就可以有牌
- 轉彎後又唔行右邊，又識行右邊出彎。真係唔明，佢係左呔定右呔駕駛者？
睇片【按此】
Source：Facebook@香港交通突發報料區