應屆大學畢業生 fresh grad，待遇薪酬是多少才合理？網民「污濁的肚臍屎」日前在香港討論區發帖，題為「今朝去見工，個 HR 話 fresh grad 人工只有 11K」。樓主非常不滿意，怒吼「點生存呀」；遂到討論區發帖宣洩。
港島應該出手闊綽？
樓主在帖子表示：「晨咁早約 9 點鐘去上環見工，普通文職，入到去心諗公司幾大幾靚，又係港島應該出手闊綽啲啦，個 HR 靚女又滿面笑容，傾既過程都好順利，心諗我 fresh grad 人工應該都可以有 13，14k 掛！」
樓主底線 $13k
樓主續稱：「點知佢笑笑口咁話：『見你係 fresh grad，人工 11K 好嗎？』」
樓主：「...」
氣氛逆轉！樓主企硬：「個氣氛即刻好似結左冰咁，老老實實我 expected salary 都係 13K 姐，我假假地都係個大學生，唔好咁過份好喎，我即刻話自己個界線係 13K，同佢企硬！」
【精選消息】
HR 非善類
樓主直指：「點知佢仲硬，態度 180 度轉變，仲係咁講 fresh grad一開始人工唔應該要求咁高，要學野為主，乜乜乜咁...」
「之後佢見我冇咩反應，就叫我返屋企等消息，返到屋企我講件事俾老媽子知，佢仲罵我態度差...」
樓主活該遭媽責
樓主告解：「係我問題定點？」
樓主怒吼：「11K 扣左個 MPF，搭車食飯電話費家用都無哂啦，點生存呀！？fresh grad 就唔係人？fresh grad 就要人工低？」
【精選消息】
截稿前，帖子贏得 20,231 個點擊率，251 則回應，不少網民踴躍留言。有網民表示：「普通文職起薪點 12K 就差不多，11K 少左 D」、「你反問伯母，去做保安，有萬二，有無意見？？」、「你有你立場, 佢有佢要求, 夾唔到咪 next 囉, 無須動氣」。
暑期工儲經驗？
有網民建議大學生搵暑期工累積工作經驗：「這份工作不符合要求，不如考慮第二份。不過，沒有工作經驗，議價能力會不足夠。例如我公司在今年暑假，請了個大學三年生做暑期工。十個星期，做一個項目，結果非常好。公司打算等這個學生大學畢業後，會正式聘請，人工會有 2 萬以上。而且公司想請這個大學生做 part time，畢業前也可以幫我們工作。因為她經手的項目，會正式實施，要她幫手 support。如果樓主去年暑假有做過暑期工，有些工作經驗，找工作會易一些。」
對於 fresh grad 要有工作經驗，有網民覺得「好鬼」：「樓主，工作經驗呢個藉口好鬼！！普通文職，有咩 exposure 禁了不起？當伱今日無，三個月後包有; 咁，三個月後，係咪追加人工至老鬼水平先？？睇吓個所謂靚女 HR，點答？？」
【精選消息】
做保險？
有網民建議做保險：「好正常, 其實咩價係要睇你邊行同睇邊科, fresh grad 人工其實可以好極端, 我識幾個 freshgrad 一啲得 10k, 但有啲一畢業就 2xk 起頭, 更甚有 d 做保險地產既, 仲高...」
網民附和：「我都識個 fresh grad 嫌文職人工太低，一畢業走左去 axa associates，後尾出黎飲野先知佢人工高過同科生四五倍，吹漲」。
有網民驚訝：「嘩，咁讀咁多書托呀？一夠 18 歲就去做保險咪 fatfat！？」被網民溫提：「你咪信 D 保險 L 吹喇！！」、「axa associates 專畀大學生讀，你唔讀大學，做保險都識唔到咁多大客，又冇咁專業，自然無咁高收入啦」。
其它網民意見，節錄如下：
- 11K 你唔做, 大把人做
- Fresh grad 表示當時淆底，老媽仲x緊我幾時交家用！
- 所以，叫你徴求伯母意見，去做保安，好唔好？？包請！
- 自己值幾多，應該自己最清楚
Source：香港討論區