學生功課寫「喜歡食蕉」有錯兼要家長簽名！ 網民：食蕉有咩問題？

不知大家小時候有否做過有關「我最喜歡的活動」的功課呢？有做過類似功課的朋友，或者會答喜歡看書、打籃球之類的答案，不過大家或者想不到的是，原來答「喜歡食蕉」是會被老師判定有錯，兼要家長簽名。近日有網友出了一個學術討論 post，提到「點解食蕉要打交叉？仲要家長簽名？」，到底全能的網民有何意見呢？

【相關報道】

【相關報道】

其實網民看到這個 post 及學生功課的貼圖，反應都頗為兩極。有些替該學生不值的網民直言：「食蕉有咩問題？定還是老師先入為主？」、「食蕉，既係食野，食嘢都係活動之一，何錯之有？難道一定要打羽毛球，游泳先叫活動，乜 X 嘢邏輯？」、「Miss，我真心喜歡食香蕉，咁都有罪？！」，但也有網民有感該名學生的答案是有點問題，「『食蕉』係口語化，寫要寫『吃香蕉』」，以及「食蕉冇錯，但是問題是喜歡的活動而不是食物」。

大家別以為網民熱烈討論一番，事件就會完，因為其中一個網民是轉貼了疑似學生家長的 FB post！當中提到老師致電家長，覺得「食蕉等如食 X！」（X 是排泄物的一種，請自行填充），又話下次要記黑點。至於該名家長則認為老師只是想多了，「喜歡食蕉」就是喜歡食香蕉的意思，不覺得答「喜歡食蕉」有問題可言之外，更有感「現在寫看書，咁咪即係自欺欺人囉。寫呢啲功課都冇意思，寫啲大話落去配合你哋，做嚟做咩啊？！」。

到底這位家長最後依照老師要求，在功課上簽署呢？在文章刊登之時則未有答案。

網民意見合輯：

• 「食蕉」係口語化，寫要寫「吃香蕉」
• 講出嚟看書都冇人信
• Miss，我真心喜歡食香蕉，咁都有罪？！
• 可能老師覺得學生玩嘢，通知吓家長姐。
• 香港師資真係無嘢好講！教學風格真係睇到得人驚！
• 食蕉有咩問題？定還是老師先入為主？
• 食蕉嘅過程的而且確係一個活動
• 老師思想如何，你的成績也必如何
• 食蕉，既係食野，食嘢都係活動之一，何錯之有？難道一定要打羽毛球，游泳先叫活動，乜 X 嘢邏輯？
• 食蕉冇錯，但是問題是喜歡的活動而不是食物

【相關報道】

【相關報道】