意外就是意料之外，因交通意外導致上班塞車遲到，值得體諒嗎？有腦細認為不值得。網民「刀劍槍炮」日前在 LIHKG 討論區發帖，題為「因塞車遲根本冇錯 點解 d 人會話係籍口?」。樓主表示，今天（10 月 8 日）有人跳軌導致大塞車，也令他上班遲到了。可惜返到公司依然被上司痛罵一頓。樓主莫名奇妙兼嬲到爆炸，遂在討論區發帖，質問為何塞車遲到總被認為是藉口？活該！
慨嘆不懂預知未來
樓主在帖子表示：「假設平時返 9 點，返工車程 40 分鐘；搭 8:10 車，點知發生左意外塞車而遲到，返到公司比上頭_（文字經過處理）。」
樓主續稱：「真係_你老母我又唔識預知未來！點_知會塞車呀_ ！我都控制唔到架，咁都唔體諒！？ 唔係唔知有_街跳軌（文字經過處理）。」
打工仔上班遇到交通意外塞車遲到被上頭罵，不少網民似有共鳴，紛紛讚好。截稿前，帖子已贏得 1463 個正評，14 個負評。
【精選消息】
網民：高層係弱智
有網民表示：「要塞車嘅你早 3 個鐘出門都要塞！啲高層完全係弱智，除非住公司啦_！」（文字經過處理）
「10 點幾先番，老闆照簽」
另有網民分享：「我公司係火炭。大部份同事都係住新界 ，得我 1 條友住港島。我番 8 點半 平時 8 點係九龍塘。今日我見 8 點 10 分都未上到車，而且上一班都卡左好耐先開，心諗一定有 D 野。冇幾耐老闆就係公司個 wtsapp group 度話粉嶺有意外，會延遲，話如果遲到 GE 同事，番黎照打卡，比佢簽名就得。 然後有人 10 點幾先番，老闆照簽。」
【精選消息】
「遲到係失信」
有網民認為，即使遇上交通意外，都應該準時返工。他說：「點解係藉口，理由係乜? 我成日同啲員工講，返工準時係你作為僱員嘅責任。合約寫明幾點開工，你遲到不論係咩原因都好，已經係一個失信嘅表現，亦表示你冇責任心同對公司冇 commitment。即使有時可能係突發都好，塞車根本唔係藉口，因為你有責任去避免。例如再預早啲出門口，等自己有多啲 buffer。你咁都唔去做？即係等於同你老細講話你嘅危機處理做得好差，應該細心諗吓自己係咪仲適合你而家嘅工作。」
網民丁回應：「你係咪 cls 定好命未遇過意外？意外起上黎，嗰程車既 double 時間都未必到。我希望你撞完車斷哂骨後，都可以準時番到公司。buffer 嘛。」
【精選消息】
其他網民留言，節錄如下：
- 籍同藉唔_識分？（文字經過處理）
- 你唔識預早幾個鐘出門口架？ 佢地講完有冇打冷震
- 老細: 唔識早啲出門？Btw上個月尾見到有個幾勤力嘅同事因為塞車遲到 2 分鐘，一個月內第二次遲到，搞到扣咗成千蚊，睇見都心痛
Source：LIHKG討論區