入職 7 個月，食了 6 次散水餅，係咩概念？你試過辭職遞信後，遭上司用「卑劣陰招」挽留嗎？網民「細膽地盤佬」日前在 LIHKG 討論區發帖，題為「前幾日交左信 今日就比 hr 大」。樓主表示，返工 7 個月已經食了 6 次散水餅；不滿公司廢、人事關係差、人工又低。樓主已經「信已遞」，卻被女上司召見，更「大」樓主指做唔夠一年就走，向其它公司求職不會獲得面試機會云云。樓主更驚爆，這公司曾經有另一同事要走，腦細居然表示只要致電他的新僱主「斷後路」，同事就會留低，卑鄙！
公司同事 年資最長一年半
樓主，講講背景先啦！他在帖子表示：「咁講一講背景。我係間工程公司做左 7 個月，已經食左 6 次散水餅。上司都換左 2 個，而家跟緊第三個上司。上司係講緊 project manager 位。自己部門去到 Engineer 級別，年資最長得一年半既 AE。」
小記花生咬一口，專心聆聽。
【精選消息】
「做唔夠一年，出面 hr 唔比機會 in」
樓主續稱：「咁我前幾日交左信辭職，今朝 hr 呀姐捉我入房傾計。話我做唔夠一年就走，出面 hr 睇到我紀錄 一定唔比機會我 in。講完一大輪，語氣 180 度大變，話不如留低繼續幫手。」
可惜樓主心已碎：「心諗間公司咁_廢（文字經過處理）、留唔到人、人工又低、人事關係又唔係特別好，我頂左 7 個月都算係咁。」
【精選消息】
腦細致電新僱主「斷後路」
帖子文末有彩蛋。樓主驚爆真人真事：「之前仲有一單，有個同事轉工，老世打聽到佢去邊間之後，走去問佢上司想唔想留住佢。個上司問佢點留，老世話識人，只要打個電話，間公司就唔會請佢。」
小記嚇到個心離一離！樓主：「聽到呢單野真人打個突，留人唔係提升福利，係斷人後路！」
責下屬買錯東西要賠償
此外，樓主「見得閒，分享多一單趣事」。他說：「話說有單 project 個 Engineer 計完數，計到 9mm 鐵板 take 到個力，個 project manager 就決定買 10mm 鐵板。點解要買 10mm? 因為市面上冇 9mm 鐵板買。市面上得 5、6、8、10、12mm 鐵板。老世睇完份數就怒_個 PM 點解要買 10mm（文字經過處理）。同佢解釋完一大輪之後，佢講左句：『我唔理，我睇數係睇到 9mm 係 ok』，叫個 PM 賠果 1mm 既錢，最後個 PM 交信辭職走。」
樓主最後想知：「提外話，點捱一個月通知期？」
【精選消息】
網民：唔好俾人知去邊間
樓主的遭遇，獲得網民紛紛讚好。截稿前，帖子已贏得 1,460 個正評，僅 5 個負評。有網民突破盲腸：「千祈唔好俾人知去邊間」、「_你老味！痴_線！所以返新工之前千祈唔好俾人知你去邊，佢喺外面收到風你無計，但唔好自己走漏消息咁 _n9（文字經過處理）」！
樓主問「點捱一個月通知期」，網民回應：「啲人係咁走 hr 會好麻煩先大_你，你理_得佢，好做駛驚無人做？嗰一個月啲野慢慢做，之後去個旅行再慢慢搵工都未_遲（文字經過處理）。」
有網民好奇乜嘢公司「一個電話斷後路」咁大勢力：「間公司本身好大規模？一個電話就令到其他公司唔請佢？遞咗信就按章工作，日日準時走囉。」
樓主表示：「sub 仔黎，中型公司，唔算大又唔算細。但呢排中唔到標，而家做緊果堆 project 都係前人投番黎。」
另有網民分享親身經歷：
- 唔洗搵，我比前上司挖角，我跟佢走好過。同佢夾開，做野做得舒服，又有實力。
- 我之前個 senior 都大_我：『你知啦，公司老闆咁多朋友，連啲對手都係朋友黎，人地實會打返黎問你做成點。』我心諗，不如我幫你唱開佢，幫你間公司做到成隻狗咁，無回報之餘態度又差。人工包我都知，咁我惟有搵過份人工再高啲包返啲氣，_你老味（文字經過處理）！」
Source：LIHKG討論區