90 後在近年屢被標籤為廢青；在職場裡屬於懶惰、唔上進的一群。然而有 90 後走進職場，竟發現上述標籤與事實不符；眼下的 90 後同事「永遠唔識 say no」、「team head 唔走無人走」、更以「奴性重」形容之！？
90 後被標籤「廢青」
網民「污濁的肚臍屎」日前在香港討論區發帖，題為「又話 90 後懶...點解奴性咁重」。樓主表示：「本人啱啱大學畢業，成日聽 90 後比人話懶、廢青、唔上進，其實都已經見怪不怪。」
知道就好。小記花生咬一口，專心聆聽。
【精選消息】
「全部同事都係後生仔女」
樓主表示，最近找到了新工作，全部同事都係後生仔女，樓主心諗「今次實無死啦」，連 team head 都係啱啱 90 年（編按：即係 28 歲囉）。樓主相信：「大家一定傾得到、玩得埋、做野都會開心啲。」
「點知做做下發覺有啲唔對路」……
【精選消息】
「team head 唔走無人走」
樓主驚爆：「team head 唔走無人走，1800 個個都坐定定喺到；重要 team head 同 senior 永遠唔識 say no，接哂啲野返黎比我地做。只要我地有一句怨言，都會比佢地話懶、工作態度有問題！」
絕望樓主：「我對自己前景真係感到絕望！乜原來而家90後奴性咁重架咩 ?!!」
【精選消息】
樓主親身遇到的 90 後，與社會的負面標籤有出入，吸引不少網民踴躍討論。有網民突破盲腸：「一樣米養百樣人，同年代出世都有好多種人。」、有網民關心樓主：「早走早著」。
有責任感 = 奴性重？
有網民建議：「有責任感 = 奴性重。廢青不適合打工，自己做老細吧。」有疑似 90 後網民表示：「我自己開舖半年 收入穩定。」
另有網民疑問：「咁你老豆D身家厚唔厚」、「樓主咁少資料好難討論。1.邊行? 2.你唔 OT 做唔做得晒 D 野? 3.條 team 幾多人?公司幾多人?」
其他網民意見，節錄如下：
- 如果樓主做到 team head 可能更奴性 不過以樓主嘅言論，應該永遠都做唔到或者係唔會做。
- 加油呀年青人
- 懶又話人懶，努力又話人奴性重，想點？
- 奴麥鬼性，生活為自己，老時唔好怨天怨地就是
- 唔關 90 後的問題，而糸而家全部公司都系收買人命，朝九，晚上十時後收工好普遍
- 公就我嬴，字就你輸
- 你遲下都會變成咁
Source：香港討論區