網絡世界四通八達，很容易就能吸收其他地方的文化及用字，例如不少港人的言談，又或者傳媒報道已用上「小鮮肉」、「小三」等起源中國大陸的用語，漸漸忘卻了「青靚白淨」、「第三者（狐狸精）」等較為香港地道的用字。近日有網民出 post 熱談這個問題，並提議不少香港地道用字，來個去內地用語行動，如「二世祖」不是「富二代」、「二奶」不是「小三」等，深得其他網民支持！
【相關報道】
【相關報道】
網民意見不一
在這個 post 中，有不少網民支持反蝗語，亦有網民提出「打造」、「素質」、「大媽」、「刷卡」等被受濫用的蝗語。不過也有網民認為不應為反而反，原因是時代會變，既然本身沒有香港用字能夠表達的話，使用其他字眼也未嘗不可，另外就是有些所提的字詞，如「二世祖」不是「富二代」、「青靚白淨」不是「小鮮肉」兩組，兩組的字詞意思不是完全相對，因此不能予以取代，而當中更有網民認真及詳細分析這些字詞的不同之處，希望其他巴絲打以正視聽。以下精選了其他去蝗語例子，說不定大家不知不覺間都有將之用上。
其他去蝗語例子：
- 「扮晒蟹 / 嘢」不是「裝 B」
- 「阿嬸」不是「大媽」
- 「屈機」不是「666」
- 「質素」不是「素質」
- 「蕃茄」不是「西紅柿」
- 「士多啤梨」不是「草莓」
- 「碌卡」不是「刷卡」
- 「為食」不是「吃貨」
- 「建造」、「營造」、「創造」、「塑造」、「締造」不是全用「打造」
不應為反而反：
- 「其實呢啲詞本質上同外來語一樣，多數係本地語言冇同義同類嘅詞或者冇咁精簡先會有人講，cctvb反主為客自然有問題，不過唔洗見到人用就起曬鋼咁」
- 「二世祖同富二代唔多啱，二世祖有貶義意思」
- 「雖然支持去蝗，但小鮮肉係名詞，青靚白淨係形容詞唔應該咁取代喎」
- 「有錯請指正，小三對應嘅係『第三者』，二奶係專指已婚人士外遇。另外二世祖同紈褲子弟一樣係貶義詞，但富二代係中性詞，同『星二代』一樣，只係陳述事實，冇任何主觀情緒。青靚白淨同小鮮肉嘅問題樓上已指出，雖然我認同要反蝗語，但唔認同將兩個唔同概念既詞語擺埋一齊做對比係啱，其實時代會變，語言都會進化，唔想用蝗語，就應該自己本土制造新詞去應付新生嘅文化，而非墨守成規一定要用舊詞。日本台灣中國同西方國家如美國，都不停有新詞彙出現，例如 DINK（double income no kids），台灣直接造左頂客族呢個名詞出黎，但唔知點解香港喺呢方面發展特别遲緩同守舊，明明 DINK 係香港係咁常見嘅現象都可以幾廿年都冇人造字，寧願用不生育雙薪夫婦呢啲又長又累贅嘅句子，用頂客族連登仔又唔啱聽，因為係用普通話拼音譯出嚟嘅。」
【相關報道】
【相關報道】
Source: lihkg