薯條冇益、油炸熱氣、鹽分高、卡路里高，多吃可引致肥伴生暗瘡。這些對於薯條的評論都非新鮮事，相信大家從小到大食薯條，總會聽到有家人親友這樣批判薯條。而你依然食得津津有味。不過，今次批判薯條的是更權威的美國哈佛大學營養學系教授，而且把食薯條與死亡掛勾，會否令你重新審視薯條的害處？
美國哈佛大學營養學系教授 Eric Rimm 警告，多食薯條有損健康，每周食 2 至 3 次薯條的人，比起食非油炸薯仔的人，死亡風險高出好狠多。哈佛教授 Eric Rimm 建議，每餐最多只食 6 條薯條，再配沙律，是更健康的食法。
哈佛教授 Eric Rimm 形容薯仔是「澱粉炸彈」。哈佛教授驚爆，薯仔本身也是眾多蔬菜中營養價值最低之一，食用過多會增加肥胖、糖尿病和心血管疾病的風險。
薯仔本身已缺乏綠色植物的營養素，製作薯條時更將較有營養成分的皮削去，經切條、油炸和調味，令薯條變成「飲食破壞武器」。
報道指，一份麥當勞大薯條約有 510 卡路里，相等於一個巨無霸；而 12 至 15 條薯條則約有 140 卡路里。
網民：我就睇下 Eric Rimm 有幾長命
對於哈佛教授的警告，網民紛紛負評，不敢苟同。有網民直指：「我就睇下 Eric Rimm 有幾長命」、「專家食屎la~」、「食個包增死亡風險；飲可樂增死亡風險；diet coke 亦增死亡風險。買麥當勞餐的話，食六條薯條，然後其他嘢倒晒佢。」
另有網民表示：「一包大薯可以食幾餐？」、「叫完個餐跟住倒向左走向右走哂薯條佢?」、「我食 M 記唔通貪佢夠健康咩，就係要佢高熱量」、「比佢講一講依家想食薯條 好耐冇食過 M 記」等。
有網民突破盲腸：「麥當勞：其實超值套餐唔加大有得轉粟米（供應有限）」。
【相關報道】
【相關報道】
Source：hket, 高登討論區