港人遊日本，不要失禮。港人外遊，由於身處外地，無拘無束，釋放自己；以為別人聽不懂你的語言，高談闊論，甚至強佔便宜，暴露人性貪婪醜惡，無所不用其極。如果你就是這種人，要改喇！因為你是代表香港人；而且你在外地的言行舉止，可能已被攝錄放上網遭公審！
「窮就唔好學人去旅行」
網民「非誠勿妖」日前在香港討論區發帖，題為「窮就唔好學人去旅行，去旅行，就唔好影衰香港人！」樓主剖白早前遊日在 Hello Kitty 餐廳的親身經歷，目睹 4 個疑似港男，勇闖餐廳狂飲免費水，又霸佔一排座位大聲吹水，始終冇幫襯就離開了。隨帖子更附上疑似 4 大港男「惡行」圖片如上，予網民公審。
樓主在帖子表示，早前遊日準備返港之際，到札幌機場的 Hello Kitty 餐廳午餐，卻「遇到一啲好丟假既事」。
札幌 Hello Kitty 餐廳遇 4 大港男
他說：「本來我諗住食拉麵，見間拉麵餐廳咁多人排隊，於是放棄，行行下，見到一間 Hello Kitty 主題餐廳，好靚嘅裝修同埋好多公仔可以俾人影相，我朋友好想入去影相，於是我同朋友講，不如喺度食啦，咁我地一人叫左一個 set, 啲野食未嚟之前咪猛影相囉，其實就算唔食飯，叫杯野飲或者買支軟雪糕都可以喺度影相嘅。」
「呢度有水斟喎，唔洗錢」
樓主指準備開餐之際，有四個人經過門口：「我聽到一個操流利香港話嘅人(你可以屈佢係大陸人嘅……如果要屈嘅話)，佢話：“喂，呢度有水斟喎，唔洗錢 入去囉～”」
樓主莫名：「開頭我覺得都奇怪，乜有飲水處免費招待途人咁好？日本人真係 very good！睇睇下，好似唔係喎……」
「飲夠走人冇幫襯；職員眼望無出聲」
樓主仔細描述 4 大港男在 Hello Kitty 餐廳的行為：「班友浩浩蕩蕩咁行入去，佢地霸左一排位坐，然後個個都去自助飲水機攞杯裝水，裝完水飲就拎手機出嚟玩，仲要聲大大喺度高談闊論，我見啲職員眼望望無出聲，過左大約大半個鐘，佢地飲夠玩夠之後，就施施然咁走人，乜都無幫襯，只有攪攪陣。」
樓主問：「事情去到呢度，我想問，高尚的香港人們，請問覺得呢件事有無咩問題呀？歡迎討論。」
樓主似乎把 4 大港男的行為歸咎於「窮」：「我嘅意見係：窮唔係罪，但係唔好咁 cheap,做埋咁多影衰香港人嘅事,出外旅遊，你就係代表左香港人，你嘅行為，唔係只代表你，亦都影響埋我地。」
截稿前，帖子贏得 49,901 個點擊率，485 個回應，204 個正評，23 個負評。不少網民紛紛讚好，踴躍討論。
有網民指出：「去旅遊，本身就是奢侈品，冇錢的話，真係唔好學人去旅行，丟架」、「在公眾地方, 例如電梯丶餐廳, 大聲談話的, 以為公眾地方好似自己屋企可以嘈喧巴閉, 高談濶論. 此等人都係人格低劣低端」。
網民：你何嘗唔係 cheap 精？
有網民反對樓主偷拍公審：「其實香港嘅麥當勞啊肯德基呀，日日都大把人生人霸死地，店員都未出聲干涉，你咁睇唔過眼，建議你條茂利都可以日日去偷影擺上網公審人哋」。
有網民質疑樓主：「你唔使扮晒野扮清高啦！你咪何嘗唔係一條 cheap 精！你係高尚你係有修養嘅，就唔使偷影人哋仲要擺上網公審人哋順便抬高自己啦又唔見日本人會隨便影人哋，擺上網公審，人哋日本人的公民質素咁高將日本人攞嚟同你比咪即係影衰日本人好似你呢啲咁 cheap 咁小器咁心胸狹窄嘅男人，難成大器啊 仲有唔使開個貼喺度長篇大論啦，唔使講埋啲阿媽係女人嘅廢話啦！香港人嘅質素係點，講嘢有幾大聲呢啲只係常識大家都知嫁啦！你條傻仔發現新大陸先至開個貼啦」。
其他網民留言，節錄如下：
- 與貧富無關，人格問題...
- 曲線 post Ah : 樓主富貴！
- 咁呢 D 行為又同窮冇咩關系 。。。
- 窮到幾百円都無，咁辛苦去嚟做乜？
- 日本唔俾偷拍的
- 香港或全球麥記都有好多同類情況？我個人黎講都好討厭唔幫親白坐既人
【相關報道】
【相關報道】
【相關報道】
Source：香港討論區