網上討論區常有來自各行各業的 fresh grad（fg）應屆大學畢業生分享工作體驗，今次是學校社工。你知道駐校社工的職能與辛酸嗎？駐校社工秉著「助人自助」的使命，為有需要的學生提供輔導服務；並支援教師及校長、舉辦講座分享；以及定期進行家訪、危機介入、與家長合作。網民「塊系臭過屎水」日前在 LIHKG 討論區發帖，題為「做緊高薪厚職駐校社工 你問我答」，剖白學校社工的工作日常。對於自稱 fg 學校社工兼月薪 $31k 的樓主，不少網民感到好奇。被問到最大感觸是甚麼，剛進入職場任職學校社工幾個月的樓主表示：「窮同埋唔識教，真係唔好生」。
樓主搶先在帖子表達辛酸：「學生終於放聖誕假，日日都比屋企人、身邊朋友、老師、學生話份工好正，可以日日匿埋喺房打機瞓覺吹下水就放工，但其實我日日忙到_街（文字經過處理）。」他笑言自己「專業報驚（警），開學到而家報過幾單」。
不滿老師當社工室係托兒所
有自稱「讀緊社工」的網民問：「畢左業幾耐? 最辛苦係咩?」樓主指自己今年 fg，最辛苦係同老師合作：「學校啲老師唔了解我地社工做啲乜嘢，又會覺得我好新乜都唔識，但係乜都塞俾我，又要受佢地氣。」
他續稱：「例如有一日有個 urgent case 見左成個上晝，我就放咗佢去食飯下晝再見家長。到臨放 lunch 前有老師帶咗一個情緒崩潰嘅學生落嚟，我 settle 完佢啲情緒諗住送佢返去食飯同埋搵個老師睇住佢，點知個老師竟然拍下屎忽就出咗去食飯，仲要透過校工叫我要睇實佢唔可以俾佢返上課室，變相其實我成個 lunch 都無左，當_左個社工室係托兒所（文字經過處理）。」
最大感觸…
社工予人印象「生命滿希望」，卻又常常與負面消極世界共活，感觸良多。被問到最大感觸，樓主直指：「最大嘅感觸就係，窮同埋唔識教嘅話，真係唔好生啦，_你_ _個_（文字經過處理）」！
如何處理疑似衰十一
有網民問最近有咩大 case，樓主：「有幾個懷疑虐兒、海量想自殺、一個衰十一、同埋一個學校覺得佢衰十一想我 chok 下佢。」樓主質疑學校想「做死」該名學生：「其實衰十一呢啲，只要佢唔親口講比我知，我都會扮唔知，唔想搞大佢。咁如果佢好_驕傲咁同我講佢未夠秤_左野，咁佢都幾 on_ 抵報警啦。其實學生同我講嘅嘢係保密，無佢同意我係唔會話俾學校知，真係犯咗法都係可以直接報警唔通知學校（文字經過處理）」。
「呢個世界得你一個明白我」
被問到「份工成就感喺邊」，樓主：「啲俾學校針對、比屋企人_ _嘅同學（文字經過處理），遇到唔開心嘅事會走黎社工室同我講：『呢個世界得你一個明白我。』然後再陪住佢去解決問題；或者好簡單 case 見完之後講句『多謝你聽我講 / 同你講完之後我舒服左。』」
「另外就係份人工」，樓主補充。
【相關報道】
【相關報道】
Source：LIHKG討論區