搭飛機若是被突然升級成商務位，相信很多人都會感到開心，就像抽中了獎般。不過有些人就反而會抱怨，因爲他覺得只有一人中獎並不夠。這正正就是以下這位港媽的想法！
【相關報道】
【相關報道】
有一名疑似是國泰員工家屬的港媽在 Facebook 專頁「CX Secrets」出帖，抱怨地指 CX 地勤跟空中服務員的態度都很差。樓主表示，自己一家 3 口聖誕搭 CX 用員工免費機票（FOC），結果飛機有位都要 Stand By。之後，CX 方面可升級一人上商務艙，樓主就抱怨機上大把位剩，但「佢搵籍口話我地個仔 7 歲，死都唔肯 UP 曬三個」，最後座位由港媽接受。怎料上機後，她竟讓老公跟仔 3 人一起坐在較寬的商務位，結果當然被勸阻。港媽不忿地指：「根本冇阻到人」。為了加強說服力，樓主提及有個韓國爸爸想在臨降落時抱住 4 歲仔坐，因爲怕他會大哭。結果又被空服阻止，最終個 4 歲仔不停大哭，直至「大家姐」拿來兒童安全帶，讓他們抱著坐才解決到。樓主表示下機後見韓國家庭想投訴，她還想做證人，但丈夫讓她算了。雖然樓主義正言辭地希望表達 CX 員工服務態度差，但一衆網民就不太賣賬。
很多同是 CX 職員的網民不撐樓主，反而嘲笑說：「應該一個都唔好 up 丫嘛，咁咪可以一齊坐，你又唔使等咁耐囉」、「如果我係你咁偉大的媽媽，我一定會坐 EY」、「你 check 好公司 policy 先好 post 出來啦」、「希望大家姐同你老公保到份工過年尾」、「東華籌款咩家下，三人迫落一個位」、「其實樓主係咪曲線隊緊個大家姐出黎」、「仲話自己無阻人」、「用下個腦啦，2歲以上都要自己一個位的啦」、「咁勞氣叫你老公轉工啦，以後無乞衣飛用 full fare 你鍾意訓走廊都得呀」其實，亦有網民陰謀論的懷疑樓主是作故仔，目的是篤出不跟規定做的「大家姐」。大家又覺得呢？
【相關報道】
【相關報道】
Source：CX Secrets