過時過節去 party 參加聯誼狂歡派對，可能有交換禮物或抽獎遊戲。當大家收到禮物，一定開心又興奮。戰戰競競打開，如果眼前是 80 盒麥樂雞醬（不包括麥樂雞 / 麥樂雞須另購），是否立即垂涎三尺，口水倒流？網民「岡本 001」日前在 LIHKG 討論區發帖，題為「抽到 80 個麥樂雞醬」。樓主在帖子簡單一句：「一人一個烹飪方法解決佢」，並隨帖子上載圖片一張，有圖有真相。從圖片目測，堅係一大袋麥樂雞醬，齋睇都有種「食到嘔」的痛快。截稿前，帖子已贏得 680 個正評，僅 3 個負評。
網民：沖水飲
樓主抽到 80 個麥樂雞醬，兼有圖有真相，江湖道義，難免吸引巴絲踴躍回應，認真打救。然而 80 盒麥樂雞醬，可以如何烹調，不致折磨，兼贏創意？有網民獻計：「沖水飲，每 4 個鐘一次，每次一盒」，贏得截稿前全帖最高的 880 個正評，3 個負評。
自製麥樂雞醬食譜
另有網民自製食譜：「整枯栳肉，一次過最少都落 10 盒啦；再整京都骨，又用最少 10 盒；生炒骨，又 10 盒；西檸雞，又 10 盒；當柚子蜜沖黎飲，又 5 盒。以上菜單 LOOP 一次乜都夠啦」。
有網民建議用煲的：「利用三碗水煲埋一碗水做法，80 個可以煲埋幾多就自己諗」。
「個獎品懲罰黎？」
其他網民留言，節錄如下：
- 買 80 盒雞叫佢唔洗比醬 然後派比有需要人士
- 一件麥樂雞都用一盒啦
- 睇下幾時過期先 然後派比人啦
- 每次食薯條都多一樣 好味
- 成本好高喎 對家 80 蚊 你就....
- 個獎品懲罰黎？
- On_ 抽到睇到係咩黎個刻緊係要即刻扔番比送呢樣禮物既個條 _ _ 啦 夠膽送呢啲出黎唔夠膽自己收番？（文字經過處理）
【相關報道】
【相關報道】
Source：LIHKG討論區