梅艷芳，舞台王者。今天 12 月 30 日是已故歌手梅艷芳逝世 15 周年。日前有網民在討論區發帖，上載自己向梅艷芳致敬的一幅藝術作品。這幅藝術作品，是由 8000 個兩毫子砌成並鑲在金框裡的的一幅金畫，再以化學藥水噴出「舞台王者」梅艷芳肖像。截稿前，該帖子已贏得 5035 個正評，41 個負評。
網民 Gllh 日前在 LIHKG 討論區發帖，題為「【純金拼圖】小弟用8000個兩毫砌畫 噴出《梅艷芳》」。樓主表示曾開 post 講樹葉及繁體中文字：「今次到兩毫，都係一啲因社會進步，而逐漸消失或遺忘既野。」
逝去的光彩不復還…
樓主稱：「自從電子貨幣發達後，現金 尤其硬幣(兩毫)係現今社會就好似雞肋一樣，食之無味，用之不著，棄之可惜。」
未知是否感觸，他突然引用梅艷芳的首本名曲〈夕陽之歌〉歌詞，唱番兩嘴：「斜陽無限 無奈只一息間燦爛，隨雲霞漸散 逝去的光彩不復還」。
樓主解釋：「雖然我覺得連登未必好多人聽過，但其實呢首歌間接令我諗到呢次作品既新呈現方式『逝去的光彩不復還(毫子變色)』」。
也許是梅艷芳歌迷，樓主大讚梅姐：「梅艷芳作為一個台上表演者真係一流，佢表演既態度前無古人 後無來者，不是為名，亦不是為利。純粹係為左表演同娛樂給台下既觀眾，真係好欣賞佢。欣賞佢個種享受過程而不追求結果既態度。」
砌 8000 個兩毫 噴上化學藥水
樓主分享用 8000 個兩毫噴砌梅艷芳的心得：「今次作品最特別既地方係 過程 ，一幅全部金色既兩毫作品 變成有人像，砌既時候好似一支透明墨水筆畫畫咁。噴上化學藥水後，部分兩毫變黑，令作品內容慢慢浮出黎。」
有多口網民單挑：「樓主，香港毀壞法定貨幣係犯法喎，要上庭見衰官，你出唔夠律師費，你幅傑作會俾律政司告到充公，下次小心啲」即被網民狼批：「你呢啲傻_收返埋一二邊食屎先啦（文字經過處理）」。
會唔會犯法？
也有網民留言：「無知一問，會唔會犯法？」
樓主耐心回應：「Send 過 email 問金管局，有相有片有 details。（金管局）覆我 ： 一般而言，市民如沒有毀壞或加工處理有關硬幣作不法用途，並不會觸犯《硬幣條例》。我冇作不法用途，加上毫子可還原，主動申報，當時冇起訴，所以我會繼續。」
邊到搵咁多兩毛？
另有網民好奇：「邊到可以搵到咁多兩毛？」
樓主：「最煩就係唱錢。一般都係逐間銀行去排隊唱，每次可能都係得 $150/ 有時甚至一蚊都冇，有次好好彩有銀行朋友幫手收集到 5000 蚊港幣既兩毫 (total : 74kg)，我準備左個喼去拎，諗住實冇死，點知喼都拉爛埋，最後 call 車先搞掂。」
即 click 下圖，睇樓主用 8000 個兩毫噴砌梅艷芳！
【相關報道】
【相關報道】
Source：LIHKG討論區