每年 1 月 1 日舉行的叱咤樂壇流行榜頒獎典禮,總會有意外時刻出現,而在昨日舉行的 2018 叱咤頒獎禮上,最讓人立驚喜的可謂古天樂奪得我最喜愛男歌手獎項,連古仔自己都直言:「我都可以行上台攞呢個獎,我真係無嘢好講」。古天樂奪得叱咤我最喜愛男歌手後,再成網民熱話,雖然有網民認為古仔實至名歸,人氣高值得奪獎,不過也有巴絲打慨歎:「選出黎嘅人能力低反映出而家觀眾嘅口味,唔可以話佢地錯,但係成個行業而家嘅質素你有眼睇?」
【相關報道】
【相關報道】
在討論區出 post 討論「古天樂獲叱咤我最喜愛男歌手」的樓主,沒錯有感「投古天樂果班人真係垃 X 圾,掛住食花生就抹殺咗其他歌手全年嘅努力」,但同時有網民認為「商台贏晒」,並表示:「樓主唔明咩叫最喜愛」、「我最喜愛男歌手唔係人氣高贏咁係應該計啲咩」、「古生人氣高,就要服」。
之不過,古天樂獲叱咤我最喜愛男歌手結果一出,有不少網友都抱以負面感覺,不是說古仔不值得拿獎,而是覺得古仔獲獎場面尷尬,「似成班人係度圍圍喂自 high」、「投票果班人究竟喺度諗緊乜」、「投個班心態係認真定玩膠大家心照」,甚至坦言:「今年係古天樂,分分鍾出年係達哥」,對商台如此做法感到失望,「唔好再話自己支持本地音樂」。其實網民對事件熱烈討論,還是對香港樂壇抱以期望,不希望香港樂壇,或者廣東歌出現劣幣逐良幣的情況,落入黯然被淘汰收場。
精選網民留言:
- 雖然好笑,但成件事好悲哀
- 樂壇已死,只有娛樂圈
- 古天樂攞真心有 noise,商台贏哂
- 機制無問題,係投票果班人究竟喺度諗緊乜,講真拎果時真係好老尷,似成班人係度圍圍喂自 high,難怪新一代都聽其他歌,唔聽、少聽廣東歌
- 只可以講,投邊個係佢嘅自由,選出黎嘅人能力低反映出而家觀眾嘅口味,唔可以話佢地錯,但係成個行業而家嘅質素你有眼睇?觀眾質素低劣。除左軒、柏宇、柏豪、腎、牙醫、e 神 etc 之外,仲有邊個擔到旗。最好笑啲人話男朋友幾好,笑我地唔識貨。嗰啲係 2002 年嘅事,而家 2018 啦,不如下年頒男歌手比校長,佢八幾年都唱得幾好
- 古天樂都有講返自己唔值依個獎,佢今次都係俾商台擺上檯,但商台咁樣玩法,真係唔好再話自己支持本地音樂
- 悲哀,但投「我最喜愛」咁無計。古生人氣高,就要服
- 我最喜愛男歌手唔係人氣高贏咁係應該計啲咩
- 係你有權投,但投個班心態係認真定玩膠大家心照。今年係古天樂,分分鐘出年係達哥,係咁多歌手努力做音樂結果係敵唔過班玩嘢觀眾冇嘢好講,係有權想投邊個就投邊個。但結果反映投票人質素,同香港人到底想要啲咩
- 其實樂壇一早就死咗,大家咁認真做咩?笑下咪 X 算囉
- 樓主唔明咩叫最喜愛
【相關報道】
【相關報道】
lihkg