香港人對吃火鍋、打邊爐的狂熱，是可以一年四季吃着也不感厭倦，因此你會明白何解香港能有各式各樣的火鍋店，而且有不少都需大排長龍才可品嚐，不過香港著名食家蔡瀾就對火鍋這款食物不感喜愛。早前蔡瀾在湖南衞視節目《天天向上》被問到：「如果可以讓全世界範圍內當中的一道菜消失，你會希望是甚麼呢？」時，他回答是「火鍋」，原因是覺得火鍋沒有文化價值，並且是最沒有文化的料理方式，甚麼東西都是切好就扔進去，有何好吃可言。
【相關報道】
【相關報道】
蔡瀾更認為，如火鍋這個風氣保持下去，以後都不需要有大師傅烹煮好菜了。因此「火鍋無文化」論一出，成功引來了支持及反對派的網民熱談。有網民同意蔡瀾「火鍋無文化」之說：「同佢諗法一樣，打邊爐完全係浪費食物，啲食物明明可以整得更好食」、「根本打邊爐就係成兜一樣味再點啲豉油」、「打邊爐就係北佬劣質文化代表」；可是有其他網民認為，世上還有其他劣食比火鍋更值得消失，如韓國部隊鍋、川菜、湖南菜、麻辣火鍋、沙律 bar 等，更有網民直言：「以佢邏輯，自助燒肉，BBQ 都可以消失」。與此同時，有巴打不同意蔡瀾「火鍋無文化」的說法：「火鍋無文化真係傻 X 先講得出，火鍋本身已經係一種飲食文化，反映到地方飲食特色。北京食涮羊肉、雲南食菇菌、潮汕食牛，用料，器具，食法，蘸料各具特色。」
說到食，人們總會有各自的看法，最正是有網民對蔡瀾認為「火鍋無文化」，應該消失的言論感到意外，只因他們以為蔡瀾會答他最討厭的三文魚刺身。
精選網民留言：
同意蔡瀾觀點
- 同佢諗法一樣，打邊爐完全係浪費食物，啲食物明明可以整得更好食
- 根本打邊爐就係成兜一樣味再點啲豉油
- 我覺得啱喎，由其喺而家啲大陸火鍋，湯底就只喺得個辣字有 X 味道。
- 無錯，就咁掉料落去淥完就算
- 我代入食家嘅角度，我都接受唔到不停 refill 食材落去嘅火鍋啦，合埋眼根本食唔到邊樣打邊樣
不同意蔡瀾觀點
- 火鍋無文化真係傻 X 先講得出，火鍋本身已經係一種飲食文化，反映到地方飲食特色。北京食涮羊肉、雲南食菇菌、潮汕食牛，用料，器具，食法，蘸料各具特色。
- 真正火鍋係一種文化，湯底當然講究
- 一樣嘢無文化就要消化，咩人先會咁諗
- 佢住南方，天氣咁暖，梗係唔明火鍋同小菜嘅分別。
- 雖然唔認同要火鍋消失，但火鍋真係切完就落去煮熟
【相關報道】
【相關報道】
hkgolden lihkg