如果有一定年紀的香港人，大抵都知道兩鐵合併之前，原本分有地下鐵路和九廣鐵路，一般巿民會叫前者做地鐵，後者稱為火車。大概在 2007 年兩鐵合併後，才開始常用「港鐵」這名字。稍早前就有巴打在連登討論區時台發帖，指「純種香港人係唔會叫地鐵做港鐵」，其說法得到不少網民認同。
【生活情報】
樓主發帖指「純種香港人係唔會叫地鐵做港鐵」，隨即獲得不少迴響，留言包括：「呢個真，地鐵、火車、東涌線、西鐵，以前係咁分」、「等於搭船去南丫島，唔會話去搭港九小輪」、「你搭緊火車咪講火車，搭緊地鐵咪講地鐵，會唔會搭九巴啊？」、「搭電車又唔見有人話搭九龍倉」、「唔會用牌子取代交通工具類別」、「見過有人搭車去青衣地鐵站，司機話冇地鐵站，只有機鐵站」等，不過也由人網民表示：「地鐵 2007 年同九廣東鐵合併，基本上00 後個個都係叫港鐵，過多十年講地鐵嘅都變成廢老。」
翻查資料，現時的港鐵於 1975 年 9 月 26 日創立，當時名為地下鐵路公司（Mass Transit Railway Corporation）。直至 2000 年宣布私有化，同年 4 月註冊成為有限公司，才將名字改為地鐵有限公司（MTR Corporation Limited）。至 2007 年兩鐵合併，港鐵透過服務經營權，將九廣鐵路公司網絡及業務而改為現時名稱。至於九廣鐵路的歷史相對悠久，可追溯至 19 世紀末，1910 年 10 月 1 日啟用，由於最初採用蒸汽機火車拖動，所以就算電氣化以後，人們仍依舊稱為火車。
【生活情報】
【生活情報】
Source：lihkg