巴士迷想在街道上見到心儀巴士車款行駛，是人之常情，但如果因為巴士迷這樣的舉動，讓自己或巴士上眾人的安全受到威脅，那就未免太過份。最近有網民在 FB 上載了一段影片，正是巴士迷為見心愛的 12 米巴士，於是不顧一切地衝出馬路觀賞，該 12 米巴士載了巴士迷上車後，更毫不猶疑地鬧爆對方「你無嘢呀，走出馬路」、「唔好咁樣害人啦」，直指其行為離譜到不能。
【相關報道】
【相關報道】
車長、巴士迷對話
其實當車長從遠見到該巴士迷時，已即時響長按作出警告，並在巴士上大嚷「痴線㗎你」，對巴士迷的舉動表示憤怒。其後巴士迷上車，車長更對着其大罵：「你無嘢呀，走出馬路」，以下為車長、巴士迷對話全紀錄。
車長：痴線㗎你
車長：你無嘢呀，走出馬路
巴士迷：我等咗好耐先等到呢架車，一架 12 米都無呀
車長：你巴士迷嚟㗎你
巴士迷：一架 12 米都無呀
車長：唔好咁樣害人啦
巴士迷：唔好意思呀
車長：你坐番入去，唔好同我傾計
車長：最憎你呢啲人
網民一樣鬧爆
不少 FB 網民看過這段影片後，都大罵該巴士迷害己害人，「你等咗好耐都冇 12 米又如何？自己死唔緊要，唔好累死人」、「真係覺得累死其他人都好，佢要影 / 搭佢哋心目中嘅車係合理解釋～」，更有網友提議「去愛民搭 E21A」、「E22、E22A 部部都 12 米或者 12.8」，那麼該巴士迷就不會錯失遇見 12 米巴士的好機會。
雖然該巴士迷的行為是作為巴士迷的反面教材，不過有曾經載過這名巴士迷的網民，就留意表示此人「幾好禮貌」，只是因為想見心儀的 12 米巴士，而有點常人難於理解的執着而已。
精選網民留言：
- 巴士迷，好多都係咁。真係覺得累死其他人都好，佢要影 / 搭佢哋心目中嘅車係合理解釋～等咗好耐都冇一架 12米，所以佢要衝出嚟，你係應該要體諒佢。
- 想坐 12 米去愛民搭 E21A
- E22、E22A 部部都 12 米或者 12.8
- 你等咗好耐都冇 12 米又如何？自己死唔緊要，唔好累死人
- 巴膠 9 成都傻傻哋
- 除因安全理由外，不得於行車時與車長談話。不得恐嚇、謾罵或以侮辱性的言語或動作，或以任何其他方式騷擾車長或車廂內之乘客。係巴士迷第 1 件事應該熟讀條款......
- 一聽佢講嘢都有問題啦
- 要影就走入去車廠入面影啦，大把 12 米巴士任你影呀
- 全香港咁多部 12 米，係都要坐呢條線嘅？真心......膠
- 垃圾車有咩好追？flyer 就話姐，黃車坐 12.8 仲好啦，至少新啲又多位啲
【相關報道】
【相關報道】
Tony Ho ＠ 巴士的事討論區 Facebook