玩玩具從來都不容易。要知道小時候玩玩具，首先要過父母一關；到長大了玩玩具，就變成要過伴侶一關。近日就有巴打夜半在 Facebook 群組求救，表示入手了一大盒玩具，而現在正在屋企樓下想方法找藉口偷運回家。一衆巴打見到，當然十分積極的獻計！
【相關報道】
【相關報道】
網民在 Facebook 群組「今日一入玩具報價區」出相，相中可以見到一大盒長方形的玩具放在公園金屬凳上，而前方是一個發泡膠飯盒以及一隻縮成一團的 Figure。網民表示：「仲係屋企樓下兜緊，求解決方案 #在線等」明顯是希望集思廣益，找適合的藉口將這麽大盒玩具偷運回家。而巴打門都沒有令他失望，提出一個個好笑的意見。
有巴打好笑留言：「我見到有人瀨低個細路係條街度，我見佢咁可憐，所以帶左佢返嚟囉」、「扮哂野係門囗大叫『我返工好大壓力架，_街』跟住入房訓，第二朝扮斷片」、「話買黎賣，有得炒」、「整爛個盒然後九衝返歸話係垃圾房拾到」、「抽獎抽番黎嘅」、「你話順豐寄錯囉」、「突然眼前一黑，跟手就多盒野」、「約你老虎去茶記食宵夜，打電話催佢落樓 confirm 後即 9 秒 9 衝上去收好再落去會合」、「攞個大紙皮箱前後左右上下用報紙漫畫文件覆蓋，話朋友暫放一陣，等佢沖涼或睡覺先攞出黎」、「放係樓下看更到，之後等風聲無咁緊先拎」、「八達通日日賞積分換」、「去附近士多仔搵個廿蚊既價錢牌仔貼上去」不過亦有巴打選擇提供最直接的方法：「您老實自首吧喇」、「報關交稅係常識」、「準備貨物嘅 120% 關稅啦」、「買 1000 交 1000 稅，包沒事」、「拿拿林去買個手袋先啦」不知樓主最後有否成功「過關入境」呢？
【相關報道】
【相關報道】
Source：今日一入玩具報價區