早前 ezone.hk 報道，隨着人工智能的普及，美國日後會有不少工種被機器、機械人取代，如廚師就是高危職業。不只美國，香港廚師似乎開始為生計而擔憂，只因近日有網民拍片出 post，見到太興這間連鎖港式餐廳集團的廚房，都放置一部自動炒河機，可靠機器自動炒出一碟靚河粉！
【相關報道】
【相關報道】
太興這部自動炒河機雖然都需要人手放置食材，但最重中之重的炒河過程，就由機器代勞，兼且過程中更有放置食材的提示，基本上只要「廚師」跟着機器指示去做，就可毫無難度地完成一碟炒河粉以饗顧客。有網民看到這部自動炒河機後，縱然笑指「人人都可以係廚神」、「香港而家咁樣做廚」，但有更多的網民是對自動炒河機感到反感，有網友表示：「仲麻煩過完整煮法 on XX」、「乾牛河嘅精髓係師傅點控制個火喉......部機得個樣......以前香港飲食係鬥好食......而家香港飲食係鬥唔難食......」、「用機器啲老細都係為咗可以請啲唔識嘅人返嚟做可以畀小啲人工。但飮食文化精髓就消失。出街食餐沒有靈魂的飯，同喺屋企食杯麵有何分別呢！」、「以後唔會有廚師呢個 post」。
此外，也有網民提到，如果他日自動炒河機當道，廚師不用親手烹調美食的話，那麼連食評家也可以會順勢失業，「以後食評家要寫咩」？
精選網民留言：
- 以後唔會有廚師呢個 post
- 我想知當其中一部分壞咗點算
- 香港而家咁樣做廚
- 乾牛河嘅精髓係師傅點控制個火喉......部機得個樣......以前香港飲食係鬥好食......而家香港飲食係鬥唔難食......
- 人人都可以係廚神
- 這件事一啲都唔好笑，啲 X 街老闆開始想炒哂啲人，無人情味賺到盡嘅公司，大家請記著逢 AI 賺到盡嘅無人公司，全部一起罷買罷幫襯！
- 以後食評家要寫咩？？？
- 用機器啲老細都係為咗可以請啲唔識嘅人返嚟做可以畀小啲人工。但飮食文化精髓就消失。出街食餐沒有靈魂的飯，同喺屋企食杯麵有何分別呢！
- 其實用機器有好有唔好，我舅父做廚師一日做足 10 幾個鐘，拋鑊拋到手腕痛，日日咁做法真係會有職業病
- 仲麻煩過完整煮法 on XX
【相關報道】
【相關報道】
Lam Hebe Facebook