是咁的，素食者去牛涮鍋食素，到底是甚麼概念？日前有素食者與家人去牛涮鍋食團年飯，稱牛涮鍋「禁止素食和肉食朋友同枱食」，他遭牛涮鍋禁止與家人同枱，被迫要「一個人坐開」食團年飯。素食者嬲嬲遂上網到社交網站發帖公審牛涮鍋，直斥牛涮鍋「做生意質素差不知所謂」，反而素食者「豁達包容」，但「不會再來這餐廳 ~ 牛涮鍋」。有網民狠批：「豁達就唔會唱人」、「人地唔想你犯戒」、「食素唔係腦殘，唔排除腦殘食素」、「咁 L 大個牛字都仲要衝入去」；小記也忍不住，花生咬一口。
一枱人需要叫同一款火鍋放題
Facebook 專頁「The Beggar in the Restaurant 乞客」日前發帖，題為「《去牛涮鍋食素之 Gag 味花生》原 Post 已刪」。帖子指出，最近有素食者發帖公審牛涮鍋禁止他與家人同枱食飯。該帖子分析：「原因我估係素食 BB 食素唔叫牛鍋，而其他朋友就食牛底鍋，而牛涮鍋 Menu 都有寫明一枱人需要叫同一款火鍋放題以免混亂，所以就要求素食 BB 自己坐另一張枱。就好似啲人 All you can eat 一係就成枱都叫，一係就成枱都唔好叫。又好似殺你呀啲任飲套餐，一係就成枱都叫，一係就成枱都唔好叫」。
做素食者喺香港好難
帖子續稱：「做飲食嘅我，更加深明叫人走乜走物改 Menu 嗰種恐懼。所以我係絕對明白香港素食者嘅困難。去一啲非素食主流嘅餐廳做客人唔係唔得，但人哋想你跟返個規距（矩），就唔好講到人好似歧視你咁仲要玩公審。做素食者喺香港好難，要人唔好歧視自己，真係要虛心啲，感恩啲，豁達啲囉。」
豁達素膠
帖子文末留下 9 個頂癮 hastag：
#其實最豁達嗰位喺有個食素老公嘅食肉老婆囉_（文字經過處理）
#牛涮鍋未食過但牛 8 有得分鍋叫完唔食牛都可以一齊坐
#不過我諗正常素食者都唔會_到去牛涮鍋食素（文字經過處理）
#好唔鐘意老馮要走乜走物畀你嘅素膠
#當你話走唔到會反問返你點解唔得
#我都想問你點解唔_自己煮（文字經過處理）
#其實好多意粉都用雞湯
#非素食餐廳嘅素食都係自欺欺人
#豁達素膠
網民留言，節錄如下：
- 其實如果你啲朋友知你食素都要揀呢間,擺明唔想同你食啦!素到冇朋友
- 真係人唔笑狗都吠啦，仲要話自己豁達包容
- 最_慘就係有 99.9% 留言都係_佢 嗰 0.1% 係支持佢 佢又睇到 同覆到人 姐係佢睇晒嗰 99.9% 留言 我真係登佢心痛呀（文字經過處理）
【精選消息】
【精選消息】