是咁的，拍拖 7 年的女友，移情別戀毅進警察，更懷有對方身孕，巴打有啲咩要注意？感情路上，總是崎嶇多變，不如意事十常八九。有巴打日前在網上討論區發帖，大吐苦水，剖白拍拖 7 年的女友，竟搭上舊同學「毅進警」，更為對方懷孕。巴打發帖卻非大吵大鬧，反而表示領悟到一個道理……
女友想當全職媽媽 哪有錢
網民「香蕉牛奶雪糕」日前在 LIHKG 討論區發帖，題為「女友比毅進警扑咗，自此我領悟到一個道理」。樓主表示與大學認識的港女友拍拖 7 年，第 4 年的時候，讀幼兒教育的女友曾表示想婚後生育當全職媽媽，相夫教子，表示對孩子發展更好。
感情轉淡 預料分手
可是，樓主有自知之明，只讀個 marketing，坦言負擔不起，現在仍搵緊萬元月薪，老豆又唔是富豪，養自己都未掂云云。
於是，樓主與女友的關係愈來愈淡，最糟情況可以幾個月才見面一次。樓主也明白，分手只是時間問題，等待導火線。終於……
導火線是中學同學「毅進督察」
樓主知道，港女友在中學時期，曾被同學追求不果。但他們彼此仍有來往，例如在社交網互相呃 like。該名同學曾是不良少年，後來爭氣讀毅進，自強不息，更成功投考警察；之後繼續進修完成大學學位，最近晉升為督察。「毅進警」有樣有事業，港女友曾在樓主面前讚「毅進警」為筍盤。未料，港女友原來已偷偷地與毅進警搭上，更懷有對方身孕，最終與樓主分手收場。
樓主指女友冇乜悔意，並解釋「情敵」雖然只係毅進仔，但碌咗入警察，再 HEA 讀埋個公開大學 degree 之後，晉升為督察，變成高薪一族，仲要係鐵飯碗，出面經濟不景、裁員、業務重組，乜都唔關佢哋事。仲要有得申請宿舍，退休可住公屋，又有長糧，一家人從此生活無憂，啱晒追求穩定的樓主前女友。
「政府工唔一定比你叻」
樓主反思：「有啲震撼，但未至於崩潰。話晒都咁多年感情，唔開心梗有，但我更唔開心嘅，係自己嘅人生。我努力讀書，大學畢業，做嘢都叫盡責，晚晚 OT，典型香港仔成長路，如果喺幾十年前，我應該已經結婚生仔買樓。但今時今日，如果你唔係社會上最 outstanding 果班人，你嘅人工就基本上無可能追上政府工，而做政府工嘅人，其實唔一定比你叻同努力。」。
「公平咩？」
對於毅進警，樓主直指：「我女友都承認佢思想仲係好幼稚，除咗因為佢本身個人係咁，再加上佢加入咗一個好保護性強嘅體系裡面，所以無乜重大經歷會令佢成長。但就係咁嘅人，都可以安居樂業養家，反而在社會掙扎打拼嘅有為青年，就因為社會結構嘅問題，成功機會少之又少，真係要問一句：『公平咩？』」
樓主表示仍相信傳統智慧，至今未敢完全否定「努力總有出頭天」。但係：「在現今嘅社會結構裡面，我嘅成功會如何發生，我真係答你唔到。」
放開一切 準備應考 CRE
樓主回憶一次與已分手港女友和毅進警相遇：「傾多一陣，阿威（毅進警）就來接佢。阿威好熱情咁同我握手，好似新相識咗個朋友咁，我覺得佢真係好傻 hi。之後佢扶住阿儀（前女友）去停車場，一隻手 fing 住條 Toyota 車匙，一隻手不時摸吓阿儀個肚，兩個人嘅眼神都好似好滿足咁。」
樓主霸氣：「我望住佢哋背影，決定放開一切，獨自踩單車返屋企，準備應考下個月嘅 CRE。」
網民質疑是潮文
截稿前，帖子已贏得 3610 個正評，99 個負評。網民激讚樓主「型」；惟也有不少網民不信毅進仔可以升督察，質疑帖子只是潮文，沒有給予很高的分數，甚至一度要求重作。
【精選消息】
【精選消息】
Source：LIHKG 討論區