是咁的，譚仔米線阿姐的口音出晒名，常弄出不少諧趣笑話，巴打絲打大概略有所聞吧？笑還笑，如果影響到大家的生活日常，又真係巧嬲嬲的。有網民日前在 LIHKG 討論區發帖，驚爆居然在「麥記」麥當勞遇上疑似譚仔阿姐女職員，結果弄出個大頭佛，不歡而散，嬲嬲收場。
網民「昇球大墊」以「 [突發］去麥記竟然遇上譚仔阿姐」為題發帖。他在帖子剖白一次到麥記麥當勞遇上疑似譚仔阿姐女職員的遭遇。樓主在帖子表示：「話說尋晚放工勁晏，諗住求其響屋企樓下間麥記搞掂算數。咁我作為一個毒_（文字經過處理）都盡量減少同人接觸嘅機會，所以我去親老麥都會用自助點餐機叫嘢食。」
小記花生咬一口，用自助點餐機，點會遇上譚仔阿姐？
樓主續稱：「我屋企樓下間細麥記得兩部機，其中一部仲要壞咗，另一部就排長龍」（編按：真倒霉！）樓主唯有硬住頭皮去 cashier 點餐。櫃位站著一個貌似年輕的女店員，樓主遂與女店員展開點餐大作戰：
我=樓主
譚=女店員
我：唔該脆香雞翼餐。
譚：巧，脆腥G包…
我：唔係包阿！2號阿！
譚：餐定單典？
我：（開始不耐煩）餐！
譚：Ok！單！
我：餐！
譚：單！
我：餐！
譚：單！
我：餐！
譚：單！
.
.
.
我：_！唔使喇！（文字經過處理）
結果，樓主死死哋氣去排點餐機。他恍然大悟：「卒之明白點解得一部機都咁多人排，而唔係去櫃枱點餐！」
樓主語重心長：「估唔到依家譚仔阿姐已經進擊到去到麥記，各位巴打睇路，遲啲其他快餐店只會越來越多阿姐做，到時飯都無得開阿。」
網民：「警世文」
截稿前，帖子贏得 1,146 個正評，僅 9 個負評。有網民表示：「人地可能想幫你慳錢」、「笑死我鳥」、「警世文 推」。
有網民留言：「雙」，樓主回應：「佢答我雙都仲好，起碼我知佢同我玩嘢而唔係雞同鴨講。佢個收銀機仲要係單點嗰個價錢先燥，差啲血都嘔埋。」
雞扎 vs 乳鴿 vs 幾隻
有網民分享：「我之前同女朋友去澳門一間酒樓食晚飯，我女朋友想食炸乳鴿，之後落單叫野，我話要炸乳鴿，個呀嬸話 要雞扎呀？ 我答佢我話唔係雞扎 係炸乳鴿，之後呀嬸答返我 咪問你要雞扎囉，_佢個街（文字經過處理）！原來係問我要幾隻呀」。
【精選消息】
【精選消息】
Source：LIHKG討論區