近年本地紙媒沒落，久不久就會聽到有報刊停刊的消息。最近宣布休刊的「主角」，就是 1997 年面世的兒童漫畫雜誌《CO-CO！》。在前《CO-CO！》編輯夏目貝的 Facebook 專頁 post 有提，「《CO-CO！》將於今期（2019 年第 6 期）起休刊。有關玩具、動畫的資訊，可以繼續追蹤我們的 Facebook。感激各讀者 22 年以來的相伴。」
【相關報道】
【相關報道】
《CO-CO！》兒童漫畫雜誌可算是成長於 90 年代、千禧年代朋友的集體回憶之一，如今這個集體回憶要跟大家講再見，因此有不少網民都表示不捨，並想從中感謝《CO-CO！》為自己帶來美好童年。有網民提到：「1997 年，當年我因為爆走兄弟、爆球連發超級彈珠人、Digimon 而買來看，跟著認識到其他本土漫畫家（姜 sir、孫威軍、力奇、馬遜、康津田、方米高、余遠鍠等等......），現在要畫上休止符了，真可惜......」、「好傷心，細個滿滿嘅回憶，逢星期日飲茶前，必定喺外面報紙檔買本嘆茶，雖然我最後成為咗大人，已經無再繼續買，但真係覺得 co-co 係其他兒童書籍比唔上嘅好物」。
此外也有網民表示：「97 年開始睇 Coco，當年互聯網仲未算普及，好多潮流玩具仲係靠睇 coco 先知，由四驅車，搖搖，彈珠人，數碼暴龍等，是旦都會有一樣男仔會鍾意。」
《CO-CO！》休刊，意味一個時代的終結，雖然有網民認為「能夠走到今天才 say goodbye，真的了不起」，不過事實是「日本 jump 都跌勁多銷量，香港漫畫周刊點生存」、「而家啲小朋友都應該好少買漫畫雜誌」，所以休刊只是遲早的事。正因如此，在一眾討論之中，有部分網民都貼出從前儲開的《CO-CO！》雜誌及贈品，讓大家懷緬一番，當中更見 1997 年《CO-CO！》創刊號的創刊詞，以及 Cap 帽贈品的「文物出土」呢！
精選網民留言：
- 我 3、4 歲就買第一本 coco！時代的轉變真係殘酷
- 1997 年，當年我因為爆走兄弟、爆球連發超級彈珠人、Digimon 而買來看，跟著認識到其他本土漫畫家（姜 sir、孫威軍、力奇、馬遜、康津田、方米高、余遠鍠等等......），現在要畫上休止符了，真可惜......
- 好傷心，細個滿滿嘅回憶，逢星期日飲茶前，必定喺外面報紙檔買本嘆茶，雖然我最後成為咗大人，已經無再繼續買，但真係覺得 co-co 係其他兒童書籍比唔上嘅好物
- 97 年開始睇 Coco，當年互聯網仲未算普及，好多潮流玩具仲係靠睇 coco 先知，由四驅車，搖搖，彈珠人，數碼暴龍等，是旦都會有一樣男仔會鍾意。
- 多謝 coco 畀咗我一個快樂的童年
- 當年期期追，到而家比屋企扔晒啲 coco 之後再買返來回味......
- 連去玩都無自由無時間，有少少空閒就用手機 app，邊會花心思睇漫畫呀
- 記得細個會食少餐飯拎啲錢去買，時間真快
- 而家啲小朋友都應該好少買漫畫雜誌
- 日本 jump 都跌勁多銷量，香港漫畫周刊點生存
【相關報道】
【相關報道】
Source: 小貝的動漫理論 Facebook, hkgolden, lihkg