是這樣的，到食店吃麵不慎哽喉，向店員求助卻遭到冷待，甚至被質疑是想呃麵食霸王餐，有啲咩要注意？有絲打日前在社交網站分享親身經歷，指到一間食店食麵哽喉非常痛苦，主動求助卻遭店員無視，終要入院動手術把卡住喉嚨的疑似竹籤取出。
店員疑卸責
網民 Hung Yanw 日前在「巴打絲打 Facebook Club」面書群組發帖，分享一次到油麻地某食店食麵的慘痛經歷。她形容光顧該店是「入去消費態度咪好囉，但一有咩事就推晒責仼態度極差」。
樓主娓娓道來：「琴日晏晝入去嗌左碗油渣麵同魚蛋，食食下碗油渣麵有支野插左係喉嚨，之後即刻同佢嗌左支茶」。
小記花生咬一口，專心聆聽。
油渣麵有竹籤？
樓主表示，當時有個女店員在旁目睹事件，卻用「好冷淡嘅態度」問：「吓 你食過啲咩？」樓主 O 嘴心諗：「咪你地啲野囉！仲可以食過啲咩？」
飲咗支茶以為冇事你就輸了。樓主續稱：「隊完成支茶之後都仲係好痛，支野仲係插左係喉嚨」。她遂向另一男店員求助：「我食呢碗麵，卡到野係喉嚨，可唔可以俾個麵包我吞？」
吞麵包無濟於事
樓主驚訝該男店員「竟然唔係去拎麵包，而係企係度質疑我，話碗麵點會有骨。質疑完一輪，佢先去拎麵包」。她指男店員還未及拿麵包，其朋友已經到便利店買來了麵包。
絲打想嘔
樓主哽喉想嘔，店員卻很冷淡：「之後個店員見我想嘔，淨係講左句廁所係後面，叫我自己拎銷匙入去」。
「啲麵入面點會有骨啊」
樓主見不對勁，決定前往醫院求助；對於店員的無視同冷漠對待，她覺得十分無奈。然而在結帳的時候，店員向樓主重申：「啲麵入面點會有骨啊」。
手術成功 絲打平安
樓主訴苦：「其實我唔係要佢賠，我都冇必要呃佢嗰幾十蚊飯錢」。她對於店員的「冷漠，無視，質疑嘅處理態度」非常無奈，「大佬，我痛到飆晒眼水你唔係見唔到」。
絲打反問：「我咁辛苦嘅時候你係咪應該幫我處理左先？而唔係企係度質疑我。講到好似我屈你咁？」
絲打在帖子末報平安：「最後入院做左個小手術，嵌返支野出嚟，唔似係骨，我估係竹或膠之類嘅野。」
絲打發帖分享哽喉遭遇，截稿前已贏得 518 個 emoji 心情、348 個回應、32 次分享。有網民建議：「東張西望啦」、「報警 Call 白車」，樓主回應「報咗食環」。
網民：「點解唔報警 call 白車？」
網民：「呢 d 個案，一定報警 call 白車，一到醫院一樣會即時處理」、「點解唔即刻報警 call 白車？傷左喉嚨有手尾根囉……」，絲打回應：「我一時諗唔到要報警，淨係諗住衝去醫院」。
巴打大讚絲打魚蛋照
有巴打對絲打的魚蛋照很感興趣：「睇相好似幾好味」，絲打笑稱：「魚蛋唔錯嘅。。。。。老實講」，巴打乘勝狙擊：「你影得好靚 下次食野小心啲」。
店員冷漠社會的錯？
對於店員的處理手法，有網民分析：「其實，老闆會覺得伙計用呢種『詐傻』的方式處理幾好，如果太熱心，就好似餐廳要負責任咁」。
有網民突破盲腸：「現在社會好多人都作狀呃食，香港酒店自助餐就試過有一個人，話食食下有玻璃就嗌晒話入醫院，工作人員息事寧人就免費比佢。如是者佢又去第二間酒店食，食到唔知第幾間，人地酒內部已經通晒天，最後佢被人拉左。所以攪到現在好多人都漠不關心食客。仲質疑食客是否扮野呃錢。所以樓主叫極都無人幫手。」
其他網民意見，節錄如下：
- 碗麵好貴 成 4 千蚊 樓主好人 鋪主好彩
- 如果係小朋友卡到 應該仲大獲
- 排靚女卡個喉嚨既籤
- 指甲咁長要剪剪
【精選消息】
【精選消息】
Source：巴打絲打 Facebook Club