正所謂：「眼睛是靈魂之窗」，當發現有視力問題，去眼鏡店驗眼、配眼鏡已是指定動作。不過，不知大家有否發現，各間眼鏡店所用的器材明明相近，售賣的產品又大致相同，但售價卻可以差天拱地，有些眼鏡店甚至予人「食水深」的感覺呢？近日亮視點前創辦人 Charles Dahan 和 E. Dean Butler 接受外媒訪問時，就大爆眼鏡業其實是一門成本極低，利潤極大的生意，二人更承認現時市面上眼鏡商品定價高得失控，與成本可以相差近 1,000%。
【相關報道】
【相關報道】
亮視點前創辦人 Charles Dahan 和 E. Dean Butler 在訪問中還有提，「其實你可以用 US$4 至 US$8（約 HK$32 至 HK$63），買到跟美國平價眼鏡品牌 Warby Parker 同等質素，價值 US$95（約 HK$746）的鏡框。」Butler 更表示，一般店家「用 US$1.25（約 HK$10）已經買到絕對一流的鏡片」。至於何以眼鏡行業會走到如斯地步，矛頭似乎直指於 2017 年法國鏡片製造商 Essilor（依視路）跟意大利太陽眼鏡公司 Luxottica（羅薩奧蒂卡）合併為 EssilorLuxottica，擁有 Sunglass Hut、Pearle Vision、Cole National 等生產商，變相「曲線」壟斷整個眼鏡行業所致，而如今若要打破 EssilorLuxottica 在眼鏡行業的壟斷局面，基本上是難度極高，而消費者仍需一如以往地，以「花費太多」的價錢，才可購得一副眼鏡。
一直以來，眼鏡 post 在討論區都是備受巴絲打熱談的帖文，因此不少網民看了這篇報道後，不忘熱烈討論一番。有網民直言眼鏡生意「食水深」不是一朝一夕的事：「有朋友喺大陸做眼鏡廠，好多大牌子都搵佢生產，佢講：其實一副眼鏡成本幾蚊至十零廿蚊人仔」、「同衫一樣，買牌子咋嘛，不嬲有牌子嘢都食水深嫁啦」、「記得 Adam ruins everything（阿當話你知）都有一集討論過啲眼鏡製造商點樣壟斷法，基本上市面上絕大部份嘅連鎖眼鏡舖，都係果幾間公司旗下」，另外當中都有網民指出，「1,000% 都係 10 倍姐 ...... 出街食碟飯嘅成本比起收你 5、60 蚊都 10 倍喇」。
不過，有認真網民則認為眼鏡是必需品，總要付出的，「有咩計，幾十蚊淘寶又信唔過，始終眼就得一對」、「用成本計咩都唔抵㗎啦，又唔係日日換一副......」，亦有網民指：「你覺得唔值可以去第二間，或者唔用都可以，決定權喺你自己度。」引申眼鏡生意都是明買明賣，顧客其實都有自由選擇的空間的。
網民有 Say：
- 有朋友喺大陸做眼鏡廠，好多大牌子都搵佢生產，佢講：其實一副眼鏡成本幾蚊至十零廿蚊人仔
- 同衫一樣，買牌子咋嘛，不嬲有牌子野都食水深嫁啦
- 有咩計，幾十蚊淘寶又信唔過，始終眼就得一對
- 用成本計咩都唔抵㗎啦，又唔係日日換一副......
- 淘寶 $30 框同 Dita 幾千蚊框冇大分別
- 1,000% 都係 10 倍姐......出街食飯碟飯嘅成本比起收你 5、60 蚊都 10 倍喇......
- 記得 Adam ruins everything（阿當話你知） 都有一集論過啲眼鏡製造商點樣壟斷法，基本上市面上絕大部份嘅連鎖眼鏡舖，都係果幾間公司旗下
- 一早知啦，好似 Parda 嗰啲爛鬼框，使幾多料呀，夠膽死賣三千蚊，係傻仔先會買
- 件嘢明買明賣，唔明有乜問題，你覺得唔值可以去第二間，或者唔用都可以，決定權喺你自己度。人地係專業，唔係人人都做到，配錯鏡，要揹飛又話你知？
- 食水真係愈嚟愈深，早幾年去配都只係 5、6 百蚊一副，早一兩年就變左成千蚊一副，但明明都唔係咩牌子既眼鏡
【相關報道】
【相關報道】