在香港提起買樓，必定讓人大感頭痛，沒能力買樓的朋友大可呻罷「哪有錢」，然後此 post 已完；有能力買樓的朋友，就得同時多想置業後引發的問題，如供樓、業權等。最近有巴打就出 post 大呻買樓問題，巴打原以為一家三口（連同母親及姊姊）一同購買 400 呎左右單位，一同努力供樓，日後就可以過好生活。怎料巴打姊姊表示下月會跟男友結婚，「姐夫」將一同住進新居兼想進佔新居主人房外，供樓支出繼續由巴打、母親及姊姊 3 人負責！巴打知道這消息後，頓時無名火起，提到「唔係話窮唔可以結婚，但男方起碼都要有計劃，無計劃就學人結婚，自己無學歷、無工作資歷，又要無儲蓄，咩都靠自己老竇老母，條友做個裙腳仔同佢老母睇街市舖，好食懶做，好心你唔好害人」外，更祝姊姊結婚不成云云！
【相關報道】
【相關報道】
雖然觀望一眾留言，有不少網友鬧爆「男嗰個可唔可以有少少骨氣」、「點解你家姐又會鐘意呢啲廢柴㗎，正常少少嘅女都知良禽擇木而棲啦」，但有更多網民力勸巴打應跟姊姊講清楚：「首期邊個畀？4 個人住點解唔係分 4 份供？」，因為如以上情況來看，「劇本係老母搬走，佢地就準備生仔，巴打瞓街」、「照咁睇你家姐可能一早等緊呢個機會，等你地俾晒首期，冇得反悔果陣，侷住要你同你老母幫佢兩公婆供樓」。
至於其他留言方面，有網民建議巴打「直接同阿媽排公屋，生活質素分分鐘仲好」、「你供多份，叫佢排公屋囉」，不過巴打直言「啱啱讀完書月入唔多，完全供唔起多份」外，更慨嘆：「可唔可以凡事考慮啦吓屋企人感受，佢兩公婆自私到不得了，想像唔到之後生活點過」。
精選網民留言：
- 竟然係男方去女方屋企住
- 男嗰個可唔可以有少少骨氣
- 點解你家姐又會鐘意呢啲廢柴㗎，正常少少嘅女都知良禽擇木而棲啦
- 索性直接同阿媽排公屋，生活質素分分鐘仲好啦咁
- 照咁睇你家姐可能一早等緊呢個機會，等你地俾晒首期，冇得反悔果陣，侷住要你同你老母幫佢兩公婆供樓
- 劇本係老母搬走，佢地就準備生仔，巴打瞓街
- 一係樓主同老母排公屋，層樓她兩公婆供，或者你家姐排公屋，你供埋層樓
- 人哋比首期先大條道理你又難啲同佢爭喎
- 首期邊個畀？4 個人住點解唔係分 4 份供？
【相關報道】
【相關報道】
Source: lihkg